سەرۆککۆماری پێشووتری ئێران: لەم هەڵبژاردنە دەنگم نەدا

ئاڤا نیوز

سەرۆککۆماری پێشووتری ئێران ڕایگەیاند، بەشداریی هەڵبژاردنەکانی ئەم دواییەی ئەنجوومەنی شوورا و ئەنجوومەنی شارەزایانی وڵاتەکەی نەکردووە، چونکە ئەگەر هیچم بۆ خەڵک پێ نەکرێت، با لەگەڵ خەڵک بم. 

 

ڕاگەیێنراوی فەرمی: محەممەد خاتەمی، سەرۆککۆماری پێشووتری ئێران، ڕایگەیاند: "سەرەڕای نیگەرانی و ناڕەزاییەکانی دەستەبژێران و بەتایبەتیش لاوان کە بە ڕێگەی جۆراوجۆر نیشان دەدرێن، بە سەرنجدان لە ئامار و زانیارییە فەرمییەکان، دەبێت بڵێین کە زۆرینەی گەل لەم بارودۆخەی ئێستا و لە شێوازی بەڕێوەبردنی کۆمەڵگە ناڕەزاییان هەیە و هەر ئەمەش ئومێد بە داهاتوو کەمتر دەکاتەوە".

 

زانیاریی زیاتر: ئاگایانە و ڕاستگۆیانە دەنگم نەدا تاوەکو درۆم لەگەڵ کەس نەکردبێت. 
محەممەد خاتەمی، سەرۆککۆماری پێشووتری ئێران وای گوت

 

ئەوەی پێویستە بیزانیت: هەڵبژاردنەکانی ئەمجارەی ئێران کەمترین ڕێژەی بەشدارییان لە ناو مێژووی 45 ساڵەی کۆماری ئیسلامیی ئێراندا هەبوو.