یەکێتیی ئەوروپا پێشوازی لە پەیامەکەی عەبدوڵڵا ئۆجەلان دەکات

ئاڤا نیوز

 

یەکێتیی ئەوروپا پێشوازی لە بانگەوازەکەی عەبدوڵڵا ئۆجەلان کرد و بە هەنگاوێکی ئەرێنی بۆ چارەسەری ئاشتییانەی دەزانێت.

 

وێنە گەورەكە: ئێوارەی ڕۆژی پێنجشەممە 2025-02-27، عەبدوڵڵا ئۆجەلان، ڕێبەری زیندانیکراوی 'پەکەکە' لە ڕێگەی ئەندامانی شاندی ئیمرالی پەیامێکی بڵاوكرایەوە و داوایكرد، پەكەكە کۆنگرە ببەستێت، چەک دابنێت و خۆی هەڵبوەشێنێتەوە.

 

لێدوانی فەرمی: ئەنوار ئەنونی، وتەبێژی یەکێتی ئەوروپا ڕایگەیاند: دەستپێکردنی پرۆسەی چارەسەری سیاسی بۆ پرسی کورد هەنگاوێکی ئەرێنی دەبێت و بەرەو چارەسەرێکی ئاشتییانەی دەبات.

 

گوتیشی، گەیشتن بە چارەسەرێکی دادپەروەرانە لەسەر بنەمای مافە بنەڕەتییەکان و سەروەریی یاسا، نەک هەر سوودی بۆ هاووڵاتییانی تورکیا دەبێت، بەڵکو یارمەتیدەر دەبێت بۆ سەقامگیری تەواوی ناوچەکە.