وادەی نوێكردنەوەی كارتی بایۆمەتری چوار ڕۆژ درێژ دەكرێتەوە

ئاڤا نیوز

گوتەبێژی كۆميسیۆنی هەڵبژاردنەكانی عێراق ئاشكرایكرد "دوایین وادەی تۆماركردنی بایۆمەتری لە هەرێمی كوردستان تاوەکو 03:00ـی دوانیوەڕۆی 10-03-2024 بەردەوام دەبێت".

 

ئەوەی پێویستە بیزانیت: ڕۆژی 10-06-2024، بۆ هەڵبژاردنی داهاتووی پەرلەمانی كوردستان دیاریكرا، ڕۆژی دووشەممە كۆمیسیۆن ڕێنمایی بەشداریی لیست، قەوارە و بەربژێرانی ڕاگەیاند.

 

لێدوانی فەرمی: جومانە غەلای ، گوتەبێژی كۆمیسیۆنی هەڵبژاردنەكانی عێراق بۆ ئاڤا نیوز گوتی: كۆتا وادەی تۆماركردنی بایۆمەتری لە هەرێمی كوردستان ڕۆژی 10-3-2024 ە تا كاتژمێر سێی دوای نیوەڕۆ.

 

زانیاریی زیاتر: بە پشتبەستن بە ستانداردی نێودەوڵەتی، كۆمیسیۆن لیژنەی سەرپەرشتیی ئۆفیسەكانی هەڵبژاردنی لە ئەندامی ئەنجوومەنی كۆمیسیاران پێكهێنا، كە سەرپەرشتیی ئۆفیسەكانی هەڵبژاردن لە هەرێمی كوردستان دەكەن. جومانە غەلای، گوتەبێژی كۆمیسیۆنی باڵای سەربەخۆی هەڵبژاردنەكانی عێراق وای بە ئاڤا نیوز گوت.