سەرۆکی هەرێمی کوردستان: بوونیادنانی کوردستانێکی بەهێز تەنیا بە یەکهەڵوێستیمان دەبێت

ئاڤا نیوز

 

سەرۆکی هەرێمی کوردستان لە یادی ڕاپەڕینە مەزنەکەی گەلی کوردستان پەیامێکی بڵاوکردووەتەوە و وێڕای پیرۆزبایی جەخت لەسەر یەکڕیزی و یەکهەڵوێستی دەکاتەوە. 

 

پەیامی پیرۆزبایی: نێچیرڤان بارزانی، سەرۆکی هەرێمی کوردستان لە پەیامێکدا ڕایگەیاند: ساڵيادى (33)ـى ڕاپه‌ڕينى شكۆدارى گه‌لى كوردستان له‌ خانه‌واده‌ى سه‌ربه‌رزى شه‌هيدان، پێشمه‌رگه‌ قاره‌مانه‌كان و ته‌واوى خه‌ڵكى كوردستان به‌ هه‌موو پێكهاته‌كانييه‌وه‌ پيرۆز بێت. سڵاو و دروود له‌ يادى شه‌هيده‌ قاره‌مانه‌كانى ڕاپه‌رين و ته‌واوى شه‌هيدانى كوردستان.

 

چیرۆکی سەرەکی: گه‌لى كوردستان که‌ پێنجى ئازارى 1991 له‌ ڕانيه‌ى ده‌روازه‌ى ڕاپه‌ڕينه‌وه‌، ‌گيانى له ‌سه‌رده‌ست دانا و بێ سڵه‌مينه‌وه‌ له‌ مه‌رگ له‌پێناو ئازاديدا ڕاپه‌ڕى، كۆتايى به يه‌كێک له‌ خوێناويترين و دژوارترين سه‌رده‌مه‌كانى سته‌م و دكتاتۆرى هێنا. ئیتر "هه‌رگيز واز له‌ ئازادى و ئامانجه‌ پيرۆزه‌كانى ڕاپه‌ڕين ناهێنێت".

 

ئامانجەکان: ئامانجه‌ پيرۆزه‌كانى ڕاپه‌ڕين له‌ ژيان و ئازادى، ديموكراسى، كۆمه‌ڵگه‌يه‌كى ئارام و پێشكه‌وتوو، له‌ بوونیادنانی ئێستا و داهاتوويه‌كى باشتر، له‌ كوردستانێكى به‌هێز كه‌ لانكه‌ى پێكه‌وه‌ژيان و يه‌كترقبووڵكرن و لێبورده‌يى بێت، ته‌نيا به‌ كارى هاوبه‌ش و يه‌كهه‌ڵوێستى و پێكه‌وه‌ييمان ده‌بێت.