لە هەرێمی كوردستان هاوسەرگیری كەم دەكات و جیابوونەوەش زیاد دەكات

ئاڤا نیوز

بەپێی ئامارێکی ئەنجوومەنی دادوەری هەرێمی کوردستان، کە بۆ ساڵی 2022 و 2023 یە، بەشێوەیەکی گشتی هاوسەرگیری کەمیکردووە و جیابوونەوەش زیادیکردووە.

ئاماری فەرمی: بەپێی ئامارەکە لە پارێزگای هەولێر ساڵی 2022، 19 هەزار و 19 هاوسەرگیری کراوە، بەڵام ساڵی 2023 دابەزیوە بۆ 17 هەزار و 543 . لە سلێمانی ساڵی 2022 ، 21 هەزار و 164 هاوسەرگیری کراوە ساڵی 2023 بووەتە 20 هەزار و 427. لە دهۆک ساڵی 2022 ، 12 هەزار و 967 هاوسەرگیری کراوە، لە 2023 بووەتە 12 هەزار و 499 ، لە گەرمیان ساڵی 2022  دوو هەزار و 746 هاوسەرگیری کراوە بەڵام ساڵی 2023 بووەتە دوو هەزار و 618. کۆی گشتی هاوسەرگیری لەهەرێمی کوردستان کەمیکردووە.

لەلایەکی دیکەوە: لەهەولێر ساڵی 2022، پێنج هەزار و 645 جیابوونەوەی هاوسەران تۆمارکراوە لەساڵی 2023 زیادبووە بۆ پێنج هەزار و 857. لە سلێمانی ساڵی 2022 پێنج هەزار و 533 جیابوونەوە هەبووە، بۆ ساڵی 2023 کەمبووەتەوە پێنج هەزار و 438. لە دهۆک ساڵی 2022 دا هەزار و 992 جیابوونەوە تۆمارکراوە، ساڵی 2023 زیادیکردووە بۆ دوو هەزار و 164. لە گەرمیان ساڵی 2022، 797  جیابوونەوە تۆمارکراوە لە ساڵی 2023 زیادیکردووە بۆ  853.

ئەوەی پێویستە بیزانیت: زۆربەی جیابوونەوەکانیش بە "نەگونجان لەگەڵ یەکتر" لەدادگەکان تۆمارکراوە و بەپلەی دووەمیش هۆکاری جیاوازی تەمەن و سێیەم نەزۆکی و چوارەمیش داوێنپیسی بووە.