وەزارەتی دارایی عێراق پشکی ساڵی ڕابردووی کوردستان دەخاتەڕوو

ئاڤا نیوز

وەزارەتی دارایی عێراق خەرجی 11 مانگی ساڵی ڕابردوو بڵاو دەکاتەوە و خەرجی هەرێمی کوردستان لەو ماوەیەدا زیاتر لە 13 تریلیۆن دینار بووە.

چیرۆکی سەرەکی: وەزارەتی دارایی عێراق خەرجییەکانی 11 مانگی ساڵی 2024ـی بڵاوکردەوە و ڕایگەیاند، لەو ماوەیەدا بڕی 13 ترلیۆن و 113 ملیار دینار خەرجی حکومەتی هەرێمی کوردستان بووە.

ژمارەکان وا دەڵێن: خەرجییەکانی وەزارەتی دارایی عێراق بۆ هەرێمی کوردستان بەم شێوەیە بووە:

- زیاتر لە 9 ترلیۆن و 82 ملیار دینار بە ڕێژەی 69%ـی خەرجییەکان بۆ مووچەی فەرمانبەران بووە.

- زیاتر لە 2 تریلیۆن و 437 ملیار و 483 ملیۆن دینار بە ڕێژەی 19%ـی خەرجییەکان بۆ چاودێری کۆمەڵایەتی بووە.

- زیاتر لە 443 ملیار و 689 ملیۆن دینار بە ڕێژەی 3%ـی خەرجییەکان بۆ بواری شمەک بووە.

- زیاتر لە 601 ملیار و 988 ملیۆن دینار بە ڕێژەی 5%ـی خەرجییەکان بۆ بواری هاریکای و یارمەتی و خەرجی دیکە بووە.

- زیاتر لە 283 ملیار و 742 ملیۆن دینار بە ڕێژەی 2%ـی خەرجییەکان بۆ بواری خزمەتگوزاری بووە.

- زیاتر لە 152 ملیار و 47 ملیۆن دینار بە ڕێژەی 1%ـی خەرجییەکان بۆ بواری چاکسازی بووە.

- زیاتر لە 111 ملیار و 306 ملیۆن دینار بە ڕێژەی 1%ـی خەرجییەکان بۆ بوار و خەرجی سەمایەگوزاری بووە.