پارتی و یەکێتی لە کەرکووک کۆدەبنەوە

ئاڤا نیوز

بڕیارە شاندێکی پارتی لە کەرکووک سەردانی یەکێتیی بکات، ئەنجامی کۆبوونەوەی سوودانی لەگەڵ لایەنەکان پرسی سەرەکی کۆبوونەوەکە دەبێت.

وێنە گەورەکە: ئەمڕۆ شاندێکی لقی سێی پارتی لە کەرکووک، سەردانی مەڵبەندی کەرکووکی یەکێتیی دەکات، هەنگاوەکانی ڕێککەوتن لەسەر دابەشکردنی پۆستەکانی پارێزگاکە تاوتوێ دەکەن.

لێدوانی فەرمی: ڕەوەند مەلا مەحموود، بەرپرسی مەڵبەندی کەرکووکی یەکێتیی نیشتمانی کوردستان بە ئاڤا نیوزی گوت: "برادەرانی پارتی پێیان گوتین، ئەگەر ئەمڕۆ هیچ نەیەتە پێش سەردانتان دەکەین." 

زانیاريی زیاتر: دەمانەوێت لێکتێگەیشتنی زیاترمان لەگەڵ پارتی هەبێت، بۆ ئەوەی پۆستی پارێزگاری کەرکووک لە سوودی کورد یەکلایی ببێتەوە.

ئەوەی پێویستە بیزانیت: ڕۆژی یەکشەممە 03-03-2024، سوودانی سەرپەرشتیی کۆبوونەوەی لایەنە براوەکانی ئەنجوومەنی پارێزگای کەرکووکی کرد و داوای لێکردن "گفتوگۆکانیان بەردەوام بێت و تەنیا دوو هەفتەشیان لەبەردەمە، تاوەکو بگەنە ڕێککەوتن و کارنامەیەکی هاوبەش".