لە عێراق پێنج بازرگانی ماددەی هۆشبەر لەسێدارەدەدرێن

ئاڤا نیوز

 

دادگەی تاوانی ناوه‌ندی له‌ عێراق، سزای لەسێدارەدانی بۆ پێنج کەس دەرکرد کە بە تاوانی بازرگانیکردن بە ماددە هۆشبەرەوە سزادرابوون.

 

چیرۆکی سەرەکی: پێنج کەس کە دووانیان عێراقین و سێیان هەڵگری وڵاتینامەی وڵاتی دیکەن، لەسەر بازارگانیکردن بە ماددەی هۆشەر دەستگیرکراون و دادگەی تاوانی ناوه‌ندیش سزای لەسێدارەدانی بۆ دەرکردن.

 

ڕاگەیێنراوی فەرمی: دادگای تاوانی ناوه‌ندی له‌ عێراق لە ڕاگەیێنراوێکدا ڕایگەیاندووە، ئه‌و تاوانبارانه‌ له‌ پارێزگای موسه‌ننا بازرگانییان به‌ مادده‌ی هۆشبه‌ر له‌ جۆری "كەبتاگۆن" كردووه‌.

 

زانیاریی زیاتر: بڕیارەکە لەسەر بنەما و بڕگەکانی ماددەی 28 لە یاسای کۆنترۆڵکردنی ماددە هۆشبەرەکان و ماددە دەروونییەکان دەرچووە.