کۆشکی سپی: تا ئێستا هیچ ڕێککەوتنێک بۆ  ئاگربەستی غەززە نییە

ئاڤا نیوز

گوتەبێژی کۆشکی سپی ڕایگەیاند، تاوەکو ئێستا هیچ رێککەوتنێک بۆ ڕاگرتنی شەڕ و ڕاگەیاندنی ئاگربەست لە غەززە نییە.

بۆچی گرنگە: ئەم لێدوانەی جۆن کێربی گوتەبێژی کۆشکی سپی ئەمریکا دوای ئەوە دێت جۆ بایدنی سەرۆکی ئەمریکا گوتی ئیسرائیل ڕازی بووە بە"ڕاگەیاندنی ئاگربەستی غەززە" لەبەرامبەر ئازادکردنی بارمتەکان.

لێدوانی فەرمی: جۆن کێربی، گوتەبێژی کۆشکی سپی ڕایگەیاند: هەوڵەکان بەردەوامن بۆ ئاگربەستی کاتیی غەززە، ئەمریکا لەگەڵ ئاگربەستێکی کاتییە بۆ ماوەی چەند هەفتەیەک، بەڵام، تاوەکو ئێستا هیچ رێککەوتنێک لە ئارادا نییە.

بۆچونی لایەنی بەرامبەر: بنیامین نەتانیاهۆ، سەرۆکوەزیرانی ئیسرائیل ڕایگەیاند: بەردوامین لە بەرگریکردن لە گوشارەکان بۆ وەستاندنی پێشوەختەی هێرشەکانمان لە غەززە، ئەمەش بە پاڵپشتی جەماوەری ئەمریکا دەبێت، کە یارمەتیدەرمانە لەسەرکەوتنمان بەسەر حەماس.

باکگراوند: لە حەوتی ئۆکتۆبەرەوە، نزیکەی 30 هەزار کەس بەهۆی هێرشەکانی ئیسرائیل لە کەرتی غەززە گیانیان لەدەستداوە.