وەزیری بەرگریی هۆڵەندا گەیشتە هەولێر

ئاڤا نیوز

 

ڕۆبن برێکلمانز، وەزیری بەرگریی هۆڵەندا بە سەردانێکی فەرمی گەیشتە شاری هەولێر و لەلایەن وەزیری پێشمەرگە و بەرپرسانی باڵای هەرێمی كوردستانەوە پێشوازیی لێکرا.

لێدوانی فەرمی: سەرچاوەیەکی باڵای لە وەزارەتی پێشمەرگە بە ئاڤا میدیای ڕاگەیاند، وا بڕیارە ڕۆبن برێکلمانز، وەزیری بەرگریی هۆڵەندا لەگەڵ بەرپرسانی هەرێمی کوردستان کۆببێتەوە و ڕاوێژکار و سەربازانی وڵاتەکەی بەسەربکاتەوە. 

 

زانیاریی زیاتر: وڵاتی هۆڵەندا لە ساڵی 2014ـەوە ئەندامێکی کارای هاوپەیمانیی نێودەوڵەتیی دژ بە ڕێکخراوی تیرۆریستیی داعشە، هاوکاریی و ڕاهێنان بە هێزەکانی پێشمەرگە دەکات هاوکات تا ئێستاش بەردەوامە. 

 

ئەوەی پێویستە بیزانیت: هۆڵەندا لە چەندین بواردا هاوکاریی پێشکەش بە هەرێمی کوردستان دەکات:-

- ڕاهێنان و مەشقپێکردنی هێزەکانی پێشمەرگە.

- پێشکەشکردنی چەک و تەقەمەنی.

- پێشکەشکردنی هاوکاری لۆجستی و ئامێری سەربازی.

- پێشکەشکردنی هاوکاری لە بواری ڕێکخستنەوەی هێزەکانی پێشمەرگە.

 

بۆچی گرنگە: ئاڤا میدیا لە سەرچاوەیەکی وەزارەتی پێشمەرگەوە زانیویەتی، ئامانجی سەردانەکەی وەزیری بەرگریی هۆڵەندا بۆ ئەوەیە باس لە هه‌وڵه‌كانى خۆ ڕێكخستنه‌وه‌ى داعش بکات، کە هێشتا ئەو ڕێکخراوە مه‌ترسييه‌كى ڕاسته‌قينه‌يه‌ و هه‌‌ڕه‌شه‌یە له‌سەر ئاسايش، سه‌قامگيريى عێراق و سووريا و ناوچه‌كه‌.