وەزارەتی پەروەردە لەبارەی تاقیکردنەوەکانی پۆلی 12 بڕیاری دا

ئاڤا نیوز

 

وەزارەتی پەروەردەی هەرێمی کوردستان لەبارەی وادەی دەستپێکردنی تاقیکردنەوەی پۆلی 12 و کەمکردنەوەی بابەتەکان و پشووی بەهار بڕیاری دا. 

 

لێدوانی فەرمی: سەیوان عەلی، سەرۆکی لیژنەی باڵای تاقیکردنەوەکان لە وەزارەتی پەروەردە لە کۆنگرەیەکی ڕۆژنامەوانیدا ڕایگەیاند: تاقیکردنەوەی خولی یەکەمی پۆلی 12 لە 23-06-2024 دەستپێدەکات تاوەکو 17-07-2024 کۆتایی دێت، هەروەها تاقیکردنەوەی خولی دووەم لە ڕێککەوتی 17-08-2024 تاوەکو 04-09-2024 بەڕێوەدەچێت.

 

زانیاریی زیاتر: تاقیکردنەوەی نیشتمانیی خولی یەکەمی پۆلی نۆیەمی بنەڕەتی 07-05-2024 دەستپێدەکات 14-05-2024 کۆتایی دێت، خولی دووەم 28-05-2024 دەستپێدەکات و 04-06-2024 کۆتایی دێت.

 

ئەوەی پێویستە بیزانیت سەبارەت بە پشووەکانی بەهار ئەو قوتابخانانەی لە 13-09-2023 دەستیان بە خوێندن کردووە لە 11 تاوەکو 23-03-2024 پشوو دەبێت.