دوو رۆژ پشووی فەرمی ڕادەگەیێنرێت

ئاڤا نیوز

 

ئەنجوومەنی وەزیرانی عێراق لەبارەی ڕۆژی لەدایکبوونی (عیسا مەسیح) دوو ڕۆژ پشووی فەرمی بۆ کریستیانەکانی عێراق ڕاگەیاند.

 

وێنە گەورەکە: لە کۆبوونەوەی ئەمڕۆی ئەنجوومەنی وەزیرانی عێراق کۆمەڵێک بڕیاردران، یەک لە بڕیارەکان تایبەت بوو بە هاووڵاتییانی کریستیان لە عێراق،  ئەویش ڕۆژی لە دایکبوونی عیسای مەسیح کە لەو ڕۆژەدا لە تەواوی جیهان بۆ کریستیانەکان بە جەژن هەژمار دەکرێت.

 

ڕاگەیێنراوی فەرمی: ئەنجوومەنی وەزیرانی عێراق رایگەیاند: بەبۆنەی جەژنی لە دایكبوونی عیسای مەسیح، دوو رۆژ لە عێراق دەكرێتە پشووی فەرمی کە دەکەوێتە ڕۆژانی 25 ، 26ی ئەم مانگە. پشووەكەش تەنها هاووڵاتیانی كریستیان دەگرێتەوە. 

ئەوەی پێویستە بیزانیت: حکومەتی هەرێمی کوردستان ساڵانە بە بۆنەی جەژنی لە دایکبوونی عیسای مەسیح، بۆ کریستانەکانی هەرێمی کوردستان دەکاتە پشووی فەرمی.

 

 بۆچی گرنگە: ڕێزگرتن لە پیرۆزی و بیروباوەڕی پێکهاتەکان دەبێتە هۆی ئاشتەوایی و پێکەوەژیان لە وڵاتدا.