فەرمانگەی ئۆپەراسیۆنە سەربازییەکانی سووریا کۆمەڵێک بڕیاری خێرای دەرکرد

ئاڤا نیوز

فەرماندەیی گشتیی هێزە چەکدارەکانی سووریا "فەرمانگەی ئۆپەراسیۆنە سەربازییەکانی سووریا" کۆمەڵێک بڕیاری سەبارەت بە بارودۆخی ئێستای سووریا دەرکرد، کە بریتین لە:

 

• هەر هەڕەشەیەک یان هەوڵێک بۆ یەکلاکردنەوەی کێشەکان و تۆڵەسەندنەوە لەنێوان هاوڵاتییاندا سزای زیندانیکردنی بۆ ماوەی ساڵێک لێدەکەوێتەوە، هەموو ئەم پرسانە لەڕێگەی دادگەوە یەکلایی دەکرێتەوە.

 

• دەستوەردان لە جل و بەرگی ئافرەتان یان سەپاندنی هەر داواکارییەک کە پەیوەندی بە جلوبەرگ یان دەرکەوتنیانەوە هەبێت قەدەغەیە، لەوانەش پۆشتنی زۆرەملێ. ئازادی تاکە کەسی بۆ هەمووان مسۆگەرە و ڕێزگرتن لە مافی تاکەکان بنەمای بنیاتنانی گەلێکی شارستانییە.

 

• ڕاگەیاندنی قەدەغەی هاتوچۆ دیمەشق و لادێکانی، لازقیە و تەرتووس دەگرێتەوە، لە کاتژمێر پێنجی ئێوارە تاوەکو پێنجی بەیانی بەردەوام دەبێت و سەرپێچیکاران بۆ ماوەی مانگێک زیندانی دەکرێن.

 

• هێرشکردنە سەر ئەو میدیاکارانەی  کە پێشتر لە تەلەفزیۆن و ڕادیۆی سووریا و لاپەڕەکانی سۆشیال میدیا کاریان دەکرد قەدەغەیە و بۆ ماوەی ساڵێک سەرپێچیکاران زیندانی دەکرێن، هاوکات دەبێت مافی میدیاکاران و ڕۆژنامەنوسان پارێزراو بێت.