ئێران فەرماندە سەربازییەکانی لە سووریاوە دەگوازێتەوە عێراق و لوبنان

ئاڤا نیوز

 

دوای زیادبوونی ئاڵۆزییەکانی باکوور و ڕۆژئاوای سووریا، ئێران دەستیکردووە بە گواستنەوەی ‌هێزی سەربازیی و  کارمەندە دیپلۆماسییەکانی وڵاتەکەی لە سووریا.

 

ڕاگەیێنراوی فەرمی: نیویۆرک تایمزی ئەمریکی بە پشتبەستن بە سەرچاوە ئێرانییەکان بڵاویکردۆتەوە، دوای کەمبوونەوەی تواناکانی ئێران لە پشتیوانیکردنی سووریا و بەشار ئەسەد سەرۆکی وڵاتەکە، ئێران هەڵساوە بە گواستنەوەی فەرماندە سەربازیی و کارمەندەکانی لە سووریا''.

 

زانیاریی بەدەستهاتوو: بەپێی هەمان سەرچاوە، "فەرماندە سەربازییەکان و کارمەندانی دیپلۆماسی ئێران و هاووڵاتیانی مەدەنیش گواستراونەتەوە، هەندێکیان بۆ ئێران گەڕاونەتەوە، هەندێکی دیکەش بۆ لوبنان و عێراق گواستراونەتەوە'.

 

لەلایەکی دیکە: سەرچاوەیەکی ئێرانی پێشتر ڕایگەیاندبوو، ''تاران سەربازی زیاتر بۆ سووریا دەنێرێت و ژمارەیەکی زۆرتر لە ڕاوێژکارە سەربازییەکانی لە ناوچەکە جێگیر دەکات''.