ڕێکارەکانی ناردنی 618 ملیارەکەی هەرێمی کوردستان دەستپێدەکەن

ئاڤا نیوز

ئەم هەفتەیە ڕێکارەکانی ناردنی 618 ملیارەکەی هەرێمی کوردستان بۆ مووچە لەلایەن حکومەتی عێراق دەستپێدەکەن.

چیرۆکی سەرەکی: لە سەرەتای ئەمساڵەوە حکومەتی عێراق بڕیاری داوە تاوەکو یاسای بودجە هەموار دەکرێتەوە وەکو پشکێکی فیدراڵی مانگانە 618 ملیار و 578 ملیۆن دینار بۆ هەرێمی کوردستان بنێرێت.

زانیاریی تایبەت: ئاڤا نیوز زانیویەتی سەرەڕای بیانووە نوێیەکانی تەیف سامی، وەزیری دارایی عێراق بۆ نەناردنی پارە، ڕۆژی چوارشەممە 28-02-2024، ڕێککارەکانی ناردنی 618 ملیارەکە دەستپێدەکەن.

 ئەوەی پێویستە بیزانیت: حکومەتی هەرێمی کوردستان بۆ مووچە پێویستی بە زیاتر لە 850 ملیار دینارە و بۆ پڕکردنەوەی کورتهێنانیش پشت بە داهاتی ناوخۆ دەبەستێت.

بۆچی گرنگە: لەگەڵ گەیشتنی پارەکەی بەغدا لیستی مووچە ڕادەگەیێنرێت و هاوشێوەی مانگی ڕابردوو سەرجەم مووچەخۆران لە ماوەی هەفتەیەکدا مووچە وەردەگرن.