بەغدا تۆمەتبارانی سووتاندنی بازاڕەکان ڕادەستی هەولێر دەکات

ئاڤا نیوز

 

بەپێی زانیارییەکانی دەست ئاڤا کەوتوو، تۆمەتبارانی سووتاندنی بازاڕەکانی کوردستان ڕادەستی هێزە ئەمنییەکانی هەرێمی کوردستان کراونەتەوە و ئێستا لە هەولێر دەستبەسەرن. سەرەڕای فشارەکان، تۆمەتبارەکان هێشتان ئازاد نەکراون.

 

وێنە گەورەکە: شەش کەس تۆمەتبار بوون بە سووتاندنی بازاڕەکانی هەولێر و دهۆک و کەرکووک کە چوار لەو تۆمەتبارانە لەلایەن هێزە ئەمنییەکانی عێراق دەستگیرکرابوون و لە بەغدا دەستبەسەر کران.

 

زانیاریی بەدەستهاتوو: ئاڤا لە سەرچاوەیەکی ئەمنی ئاگادارەوە زانیویەتی، دووان لە تۆمەتبارانی سووتاندنی بازاڕەکانی کوردستان ڕادەستی هێزە ئەمنییەکانی کوردستان کراونەتەوە و ئێستا لە هەولێرن، یەکێکیشیان عەرەبە لە بەغدا دەستبەسەرە.

 

ئەوەی پێویستە بیزانیت: ئەو چوار کەسەی دەستگیر کرابوون، یەکێکیان بەناوی "ڕەنج حەبیب سۆراب" لەلایەن ئاسایشی هەولێر دەستبەسەر بوو، سیانەکەی تریش لە بەغدا دەستبەسەر بوون کە یەکێکیان بەناوی "محەممەد نەجات" کارمەندی دژە تیرۆری یەکێتی بوو، هاوکات تۆمەتباریکی دیکە بەناوی "هونەر فەخرەدین" کارمەندی پێشووی یەکەی حەفتا بوو،  لەگەڵ کەسێکی عەرەب.

 

ئەمەش بزانە: محەممەد نەجات و هونەر فەخرەدین ئێستا ڕادەستی هێزە ئەمنییەکانی هەرێمی کوردستان کراونەتەوە و لە هەولێر دەستبەسەرن.

 

کاریگەریی و لێکەوتەکان: بەپێی بڕیارێکی دادگای ڕەسافەی بەغدا، ئەو سێ کەسەی کە تۆمەتبار بوون بە سووتاندنی بازاڕەکانی کوردستان، هیچ بەڵگەیەکی فەرمی نەبووە کە بیسەلمێنت تاوانبارن، ئەمەش  ناڕەزایەتی و تووڕەیی خەڵکی زیانلێکەوتووی کەرکووک و دهۆک و هەولێری لێکەوتەوە.

 

خاڵە ئەرێنییەکان: سەرەڕای فشارێکی زۆری هەندێک لایەنی سیاسی بۆ ئازادکردنی ئەو تۆمەتبارانە، بەڵام هێشتان ئازاد نەکراون.