![بەهێز شێخ کامیل، بەڕێوەبەری ئاڤا میدیا لە میانی بەشداریکردن لە سێیەم کۆڕبەندی سعودیە](/_next/image?url=https%3A%2F%2Fassets.ava.news%2Fnews%2F1721%2FvrySvc2ROptfnTIsPbkz.jpg&w=3840&q=100)
بەهێز شێخ کامیل، بەڕێوەبەری ئاڤا میدیا لە میانی بەشداریکردن لە سێیەم کۆڕبەندی سعودیە
لە چەند ڕۆژی ڕابردوودا لە ڕیازی پایتەختی سعودیە بووم، بۆ بەشداریکردن لە سێیەم کۆڕبەندی سعودیە بۆ ڕاگەیاندن. کۆڕبەندەکە ساڵانەیە و ئامانج لێی خستنەڕووی نوێترین داهێنانە تەکنەلۆجییەکانی بواری ڕاگەیاندن و گفتوگۆکردنە لەسەر ئەرکی میدیا و خۆگونجاندنی لەگەڵ گۆڕانکارییەکان و پێشخستنی ناوەڕۆک.
ئاڤا میدیا تاکە میدیای کوردیی بەشدار و بانگهێشتکراوی کۆڕبەندەکەی ئەمساڵ بوو، لە ساڵانی داهاتووشدا بەشداربوویەکی سەرەکی دەبێت و یەکێک دەبێت لەو 80 میدیا ناوچەیی و جیهانیانەی کە لە چەندین وڵاتی جیاوازەوە بەشدار دەبن.
براندێکی نوێی میدیایی کوردی و هەڵگری ناوەڕۆک و پەیامێکی نوێ، جێی خۆشحاڵیی بەرپرسانی کۆڕبەندەکە و هەموو ئەو دەزگا و کۆمپانیا میدیاییانە بوو کە بەشداری کۆڕبەندەکە بوون. بۆ ئەوان جێی بایەخ بوو میدیایەک لە ناوچەکە دروشمی (نە کراوە و نە بینراوە)ـی هەڵگرتبێت، هەر ئەو دروشمەی ئێمەش لە زۆربەی گفتوگۆکانمان لەگەڵ میدیا گەورەکان دەبووە جێی مشتومڕ و بیرکردنەوە لە داهێنانی نوێ، ستراتیژ و ڕووانینی ئاڤا میدیا گوێلیگیراو بوو، نەک تەنیا ئێمە گوێگر بین.
ڕەنگە زۆر کەس پێیان وابێت (نە کراوە و نە بینراوە) دروشمێکی گەورە بێت، بەڵام ئێمە کە شانمان داوەتەبەر ئەو دروشمە، لە ناواخنیشیدا تەحەدییەکی دیکەمان هەڵگرتووە، ئەویش جێبەجێکردنیەتی بە پشتبەستن بە توانا و ئەزموونی ڕۆژنامەنووسی گەنجی وڵاتی خۆمان دوور لە هێنانی توانای دەرەکی و ڕاهێنەری بیانی. لەوەشدا دوو ئامانجی سەرەکیمان هەن، یەکەمیان؛ بەهەدەرنەدانی پارە، کە زۆربەی کەناڵەکان لەوەدا پارەیەکی ئێجگار زۆریان دەڕوات. دووەمیشیان ئەوەیە کە پێمان وایە خۆمان دەتوانین باشتر لە خەڵکی بیانی لە بینەر، بیسەر و خوێنەرەکانمان تێبگەین و نزیک بین لێیان کە چییان پێویستە بە پراکتیک بیکەین، نەک تەنیا تیۆری بین. کاتێک ئەوەم بە بەرپرسی ئەکادیمیای ڕاهێنانی کۆمەڵەی تەلەڤزیۆنەکانی ئێم بی سی گوت، ئەوپەڕی خۆشحاڵیی پێشان دا و ڕای وابوو ئەو پشتبەخۆبەستنە وادەکات لە داهاتوودا لەو شێوە کۆڕبەندانەدا ڕۆژنامەنووسانی ئێمە قسەکەر دەبن و پێشەنگی داهێنان دەبن.
بۆیە ئێمە دەمانەوێت و مەبەستمانە لە هەموو کۆڕبەندە میدیاییەکان و پێشانگە تەکنەلۆجییەکان بەشداربین، بەڵام بەشداریکردنمان بەمەبەستی ئاڵوگۆڕی زانیاریی و کاری هاوبەش بێت، نەک تەنیا وەرگرتن و کاری تاکلایەنە. لەسەر ئەو بنەمایەش لە داهاتوودا کاری میدیایی هاوبەشمان لەگەڵ کۆمەڵەی تەلەڤزیۆن و ڕادیۆکانی وڵاتی سعودیە SBA، کۆمەڵەی تەلەڤزیۆنەکانی MBC، ئاژانسی هەواڵی ئێندیپێندنت، ڕۆژنامەی شەرقولئەوسەت و کۆمەڵەی ڕادیۆکانی وڵاتانی عەرەبی دەبێت. کە بێگومان ئەوە تەنیا ئامانجی ئێمە نییە و نابێت، بەڵکو ئەوە تەنیا دەستکەوتی کۆڕبەندێکە و لە کۆڕبەند و کۆنفرانسە میدیاییە جیهانییەکانی داهاتوو، کاری گەورەتر لەگەڵ میدیا گەورە جیهانییەکان دەکەین، بەبێ ئەوەی ڕێگە بدەین ناسنامەی میدیایی و نیشتمانیی خۆمان کاڵ دەربکەوێت، چونکە ئێمە باوەڕمان بە تێکەڵاوبوونە، بەڵام هیچ کاتێک لەگەڵ توانەوەدا نین.
زیاتر لەسەر ئەم بابەتانە بکۆڵەرەوە
نوێترین بیروڕا
گرنگیی فیلمی کفن لە پیشەسازیی سینەمای کوردیدا
8 کاتژمێر لەمەوپێش
بەهۆی هاوبەشیی هەواڵگرییەوە ئەمریکا و بەریتانیا لەپێشەوەن
10 کاتژمێر لەمەوپێش
دۆكترینی سهربازیی ئیسرائیل و جهنگ له ڕۆژههڵاتی ناوهڕاست
6 ئەیلوول
دۆستەکانی مام جەلال لە سلێمانی جێگایان نابێتەوە
6 ئەیلوول
گوێتان لە سەرۆکوەزیران بوو، چۆن تێیگەیشتن؟
5 ئەیلوول
سەرئێشەی بڵاوبوونەوەی ئەتۆمی بۆ سەرۆکی داهاتووی ئەمریکا
1 ئەیلوول
نوور زوهێر و پاسکوا؛ دوو دزی سەدە و یەک پەیام
30 ئاب
بۆچی مەسرور بارزانی بەئامانج دەگرن؟
27 ئاب
کفن بۆ هۆشیارکردنەوەی کۆمەڵگە لە دیاردەیەکی قێزەون
24 ئاب
کفن وەک دیمەنی کۆتایی جەنگ وابوو
22 ئاب
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
- بزنس
- 6 کاتژمێر لەمەوپێش
بڕیاری هاوردەکردنی بەنزینی بازرگانی دەچێتە بواری جێبەجێکردن