کێشەکانی نەناردنی مووچەی فەرمانبەرانی هەرێمی کوردستان چییە؟

ئاڤا نیوز

 

دوای کۆبوونەوەی ئەمڕۆی جێگری سەرۆکی پەرلەمانی عێراق و فراکسیۆنە کوردییەکان لەگەڵ سەرۆکی دادگەی فیدراڵی، ئەندامێکی لیژنەی دارایی چەند گرفتێکی بەردەم نەناردنی مووچە باس دەکات.

 

لێدوانی فەرمی: سۆران عومەر، ئەندامی لیژنەی دارایی پەرلەمانی عێراق لە گەشتی هەواڵەکانی کاتژمێر 7:00ی ئاڤا میوان بوو وتی، دواکەوتنی مووچە پەیوەندی هەیە بەوەی هەرێمی کوردستان و بەغدا، ڕێککەوتنیان لەبارەی ڕادەستکردنی نەوت و داهاتی نانەوتی هەیە و نەگەیشتووەتە هیچ ئەنجامێک، ئێستا عێراق چووەتەوە پێش بڕیاری دادگەی فیدراڵی.

 

سۆران عومەر دەڵێت، وەزیری دارایی عێراق حساباتی ئەوەی کردووە بە ئینفاقی فیعلی بەشە بودجەی هەرێمی کوردستان لە مانگی 10 تەنیا 600 ملیاری ماوە، ئەگەر بینێرێت بەشی داهاتی ناوخۆ دەبڕێت، تەنیا 200 ملیار دەمێنێتەوە.
 

لەلایەکی دیکەوە: سۆران عومەر ئاماژە بەوەش دەکات "بەغدا داوای داهاتی ناوخۆی چوار مانگی ئەمساڵ دەکات، هاوکات داوا دەکات 400 هەزار بەرمیل نەوت کاتێک هەناردە ناکرێت، ڕادەستی سۆمۆ بکرێت و بۆ ناوخۆ بەکاربێت".

 

لە گۆشەیەکی دیکە: سۆران عومەر دەڵێت: لێکتێگەیشتن لەگەڵ تەیف سامی ئاسان نییە، لە کۆبوونەوەکان ئەو تەنیا بە ژمارە و یاسا قسە دەکات. چەندین جار لە کۆبوونەوەکان وتویەتی با سەرۆکوەزیرانی عێراق بەرپرسیارییەتی یاسایی هەڵبگرێت، من گرفتم نییە.