سۆران عومەر: بەغدا تەنیا 600 ملیار دینار بۆ مووچە دەنێرێت

ئاڤا نیوز

 

سۆران عومەر، پەرلەمانتاری کۆمەڵی دادگەریی کوردستان لە پەرلەمانی عێراق ڕایدەگەیەنێت، تەیف سامی تەنها 600 ملیار دینار بۆ مووچە دەنێرێت.

 

وێنە گەورەکە: بڕیار بوو سێشەممە یان چوارشەممەی داهاتوو، بەغدا گوژمەیەک لە مووچەی مووچەخۆرانی هەرێمی کوردستان بنێرێت، بەڵام تەیف سامی، وەزیری دارایی عێراق کێشەیەکی نوێی بۆ مووچە دروست کرد و لەبەرامبەر ناردنی داوای داهاتی چوار مانگ لە هەرێمی کوردستان دەکات.

 

لێدوانی فەرمی: سۆران عومەر، ئەندامی لیژنەی دارایی پەرلەمانی عێراق لە گەشتی هەواڵەکانی کاتژمێر 7:00ی ئاڤا میوان بوو، ڕایگەیاند: تەیف سامی دەڵێت تەنیا 600 ملیار دینار بۆ مووچەی مووچەخۆرانی هەرێمی کوردستان دەنێرم، بەڵام لەبەرامبەردا دەبێت هەرێمی کوردستان 400 ملیار دینار لە داهاتی ناوخۆ بۆ بەغدا بنێرێت، "بەمەش لەو 600 ملیار دینارە تەنیا 200 ملیار دینار بۆ مووچەی مووچەخۆرانی هەرێمی کوردستان دەمێنێتەوە.

 

لەلایەکی دیکەوە: سۆران عومەر دەڵێت: تەیف سامی داوا دەکات 400 هەزار بەرمیل نەوت کاتێک هەناردە ناکرێت، ڕادەستی سۆمۆ بکرێت و بۆ ناوخۆ بەکاربێت".