بەڕێوەبەرایەتیی هاتووچۆی هەولێر چەند بڕیار دەردەکات

ئاڤا نیوز

بەڕێوەبەرایەتیی هاتووچۆی هەولێر پایسکیل و ماتۆڕسکیل و ئۆتۆمبێلی قورس لە شەقامەکانی 120 مەتری و 150 مەتری قەدەغە دەکات.

ڕاگیێنراوی فەرمی: بەڕێوەبەرایەتیی هاتووچۆی هەولێڕ ڕایگەیاند: لەپێناو ڕێکخستنی شەقامەکان و کەمکردنەوەی جەنجاڵی و ڕووداوەکانی هاتووچۆ و نەهێشتنی ئۆتۆمبێلە بێ سەرەتاکان ئەم بڕیارانەمان دەرکرد.

- قەدەغەکردنی هاتووچۆی پایسکیل و ماتۆڕسکیل بە هەردوو جۆری دوو تایە و سێ تایە لەسەر شەقامەکانی  120 مەتری و 150 مەتری.

ـ قەدەغەکردنی هاتووچۆی ئۆتۆمبێلی قورس کە لە بوارەکانی بیناسازی و کشتوکاڵی بەکاردەهێنرێن  و خێراییەکانیان کەمترە لە 80 کیلۆمەتر لە کاتژمێرێکدا، لە هەردوو شەقامی 120 مەتری و 150 مەتری قەدەغە دەکرێن و دەبێت لەسەر فلات بگوازرێنەوە. مەبەست لەم ئۆتۆمبێلانە شۆفڵ و عەفارە و تراکتۆر و ئەم جۆرانەیە.

- لێخوڕینی ئۆتۆمبێلی بێ سەرەتا لە سەرجەم شەقامەکانی شاری هەولێر بە هەموو شێوەیەک قەدەغەیە.

ئەوەی پێویستە بیزانیت: هەر شۆفێرێک سەرپێچی ئەم بڕیارانە بکات، ئەوا ڕێکاری یاسایی بەرامبەر دەگیرێتە بەر  و دەست بەسەر ئۆتۆمبێل یان ماتۆڕسکیلەکەیدا دەگیرێت.