سەرۆکوەزیرانی عێراق سەردانی هەرێمی کوردستانی کرد

ئاڤا نیوز

 

محەممەد شیاع سوودانی، سەرۆکوەزیرانی عێراق بۆ جاری پێنجەم لەماوەی دەسەڵاتداریدا سەردانی هەرێمی کوردستانی کرد. 

 

وێنە گەورەکە: ڕۆژی ڕابردوو بە سەردانێکی فەرمی سەرۆکوەزیرانی عێراق گەیشتە هەرێمی کوردستان و لە فڕۆکەخانەی نێودەوڵەتیی هەولێر لەلایەن سەرۆکوەزیران مەسرور بارزانییەوە پێشوازیی لێکرا.

 

زانیاریی زیاتر: لە میانی دیدار و کۆبوونەوەکانی لەگەڵ بەرپرسانی باڵای هەرێمی کوردستان، سەرۆکوەزیرانی عێراق وێڕای پیرۆزباییکردن بەبۆنەی سەرکەوتنی هەڵبژاردنەکانی پەرلەمانی کوردستان. تاوتوێی دۆسیە هاوبەشەکانی نێوان هەردوو حکومەتی فیدراڵ و هەرێمی کوردستان کران.

 

ئەوەی پێویستە بیزانیت: گرنگترین ئەو دۆسیانەی لەنێوان سەرۆکوەزیران مەسرور بارزانی و سوودانی تاوتوێکران، پرسی دەستپێکردنەوەی هەناردەکردنی نەوت لەهەرێمی کوردستان و گرنگی جێبەجێکردنی بڕیارەکەی دادگای فیدراڵی پەیوەست بە مووچەی فەرمانبەرانی هەرێمی کوردستان بوو.

 

لەلایەکی دیکەوە: دواتر سەرۆکوەزیرانی عێراق لەگەڵ نێچیرڤان بارزانی، سەرۆکی هەرێمی کوردستانیش کۆبووەوە، لە کۆبوونەوەی نێوان سوودانی نێچیرڤان بارزانی گفتوگۆ لەسەر سەرجەم پرسە نیشتمانییەکان کرا، لەوانەش دۆسیە هاوبەشەکان و پێویستی چارەسەرکردنیان، بەپێی ئەوەی لە دەستووردا هاتووە.

 

هاوکات سوودانی لەگەڵ نێچیرڤان بارزان جەختی لەسەر گرنگی بەردەوامبوونی هاوکاری نێوان حکومەتی فیدراڵ و حکومەتی هەرێمی کوردستان کردووەتەوە لە چەند دۆسیەیەکدا کە پێشتر بووە هۆی چارەسەرکردنی چەندین پرسی هاوبەش.