ترەمپ بووەوە بە سەرۆکی ئەمریکا

ئاڤا نیوز 

 

سەردەمی کۆمارییەکان لە ئەمریکا دەستیپێکرد و جارێکی دیکە دۆناڵد ترەمپ دەبێتەوە سەرۆکی ئەمریکا و ئەنجوومەنی پیرانیش کۆنترۆڵ دەکەن.

 

وێنە گەورەکە: ڕۆژی 5-11-2024 هەڵبژاردنی ئەنجوومەنی پیران و سەرۆکایەتیی ئەمریکا ئەنجامدرا، بە گوێرەی ئەنجامە بەراییەکان دۆناڵد ترەمپ بە ڕێژەیەکی بەرچاو لە پێش کامالا هاریسەوەیە.

 

لێدوانی فەرمی: دۆناڵد ترەمپ لە یەکەم گردبوونەوەیدا دوای ڕاگەیاندنی ئەنجامە بەراییەکان لە فلۆریدا لەگەڵ تیمەکەی دەرکەوت و لەگەڵ لایەنگرانی کۆبووەوە، باسی لە سەرکەوتنە مێژووییەکەی کرد.

 

ژمارەکان وا دەڵێن: بە گوێرەی دەنگە جیاکراوەکان ئێستا ترەمپ 267 خاڵی بەدەستهێناوە و کامالا هاریسیش 224 خاڵ. 

 

ئەمەش بزانە: 5ـی نۆڤمبەر دەنگدانی گشتیی بۆ هەڵبژاردنی سەرۆکایەتیی ئەمریکا لە 50 ویلایەت بەڕێوەچوو، بەپێی ئەنجامە بەراییەکان دۆناڵد ترەمپ زۆرینەی دەنگی بەدەستهێنا و بووە 47ـەمین سەرۆکی ئەمریکا.