پرۆسەی سەرژمێری دەرفەتی کار بۆ هەزاران دەرچووی زانکۆ و پەیمانگەکان دابین دەکات

ئاڤا میدیا

 

دەستەی ئاماری هەرێم بۆ پرۆسەی سەرژمێری دانیشتوان پێویستی بە هەزاران دەرچووی زانکۆ و پەیمانگەکان هەیە و دوو ڕۆژی دیکە لینکی فۆڕمەکە کارا دەکرێت.

 

لێدوانی فەرمی: گۆهدار محەممەد، سەرۆکی کەرتی تەکنیکی و مەیدانی سەرژمێری بە ئاڤا نیوزی ڕاگەیاند، ڕۆژانی (8،7،6)ی ئەم مانگە لینکی فۆرمێک کارا دەکرێت، دەرچووانی زانکۆ و پەیمانگەکان ئەوانەی کاریان نییە دەتوانن فۆڕمەکە لەسەر بنەمای شوێنی نیشتەجێبوون (گەڕەک یان گوند) پڕ بکەنەوە و بۆ ماوەی زیاتر لە مانگێک وەک بژمێر (عداد) لەگەڵ دەستەی ئامار کار بکەن.

 

گۆهدار محەممەد ئەوەشی ڕاگەیاند: بۆ هەموو هەرێمی کوردستان سەروو 13 هەزار کارمەندمان پێویستە و ئەو کەسەی ناوی دەگەڕێتەوە تا کۆتایی مانگی 12 لەگەڵ دەستەی ئامار کار دەکات و لەسەر بنەمای پاداشت دەبێت، بەڵام هێشتا بڕەکەی دیارینەکراوە.

 

ئەوەی پێویستە بیزانیت: بژمێر (عداد) ئەو کەسەیە دەچێتە ماڵان و زانیاریی ورد تۆمار دەکات، بەر لە دەستپێکردنی ئەرکەکانیان ڕاهێنانیان پێدەکرێت.

 

باکگراوند: دوای 37 ساڵ عێراق سەرژمێری سەرتاسەری ئەنجام دەدات، بڕیارە ڕۆژی 20-11-2024 سەرژمێری گشتی بێت، ڕۆژانی 16-17-18-19ی ئەم مانگە کاری مەیدانی پرۆسەی سەرژمێریی دانیشتوان دەستپێدەکات.

 

لەڕێگەی ئەم لینکەوە دەتوانن ڕۆژانی (6،7،8)ی ئەم مانگە فۆڕمەکە پڕبکەنەوە.

https://census-job-krd.com/?fbclid=IwY2xjawGVzGFleHRuA2FlbQIxMAABHQsSxE59x2LLMFheaocZXVrgzzoPWzXbwZARzHc5mq4V9sivlTqI4Y1LGg_aem_dTWOzw5LO25jAAb5fxemYg