ئافرەتانی ئەمریکا پاڵپشتی لە کامالا هاریس دەکەن

ئاڤا نیوز

 

بە هەزاران ئافرەت بۆ پاڵپشتی لە کامالا هاریس، کاندیدی دیموکراتەکان کە پشتیووانی لە مافی لەباربردنی منداڵ دەکات ڕژانە سەر شەقامەکانی واشنتن.

 

وێنە گەورەکە: کامالا هاریس، کاندیدی دیموکراتەکان پشتیووانیکردن لە مافی لەباربردنی منداڵی دژی دۆناڵد ترەمپ، کاندیدی کۆمارییەکانی کردووەتە پرسێکی سەرەکی لە هەڵمەتی هەڵبژاردنەکانی سەرۆکایەتیی ئەمریکا.

 

لێدوانی فەرمی: لیا بروکەری تەمەن 19 ساڵ کە لە ویلایەتی کارۆلاینای باکوورەوە بۆ بەشداریکردن لە ڕێپێوانەکە چووەتە واشنتن بە میدیاکانی گوت: "دەنگدان بەو کاندیدە کە پشتگیری لە مافەکانمان دەکات وەک ژن، گرنگترین شتە بۆ من".

 

ئەوەی پێویستە بیزانیت: لە ئەمریکا لەباربردنی منداڵ دوای 12 هەفتە قەدەغەیە، بڕیار وایە ڕۆژی سێ شەممە لە 10 ویلایەتی ئەمریکا ڕیفراندۆم بۆ مافی لەباربردنی منداڵ هاوتەریب لەگەڵ هەڵبژاردنی ئەمریکا بکرێت.

 

ئەمەش بزانە: بە پێی زانیاریی ڕێکخراوەکان 15 هەزار ئافرەت لەو ڕێپێوانەدا بەشداربوون.

 

زانیاریی زیاتر: هەر لەو گردبوونەوەیەدا بەشێکی دیکەی خەڵک بە دروشمی  هاریسی " منداڵکوژ" بەشدارییان کرد.