ئیدارەی ڕاپەڕین پشووی سنوورداری ڕاگەیاند

ئاڤا نیوز

ئیدارەی سەربەخۆی ڕاپەڕین ڕایدەگەیێنێ، بەهۆی نالەباری کەشوهەوا و لەپێناو سەلامەتی گیانی قوتابیان، سبەی یەکشەممە لە باخچەی ساوایانەوە تاوەکو نۆی بنەڕەتی پشوو دەبێت.

وێنە گەورەکە:  شەپۆلێکی بارانبارین هەرێمی کوردستانی گرتووەتەوە و بەپێی پێشبینییەکان لە ئەمشەوەوە تاوەکو سبەی ئێوارە شەپۆلەکە چڕ دەبێتەوە، لە هەندێک شوێن مەتەرسی دروستبوونی لافاو هەیە، بۆیە لە چەند ناوچەیەک بەتایبەت لە ناوەندەکانی خوێندن کراوەتە پشوو.

لێدوانی فەرمی: هیوا قەرەنی،  سەرپەرشتیاری سەربەخۆی ڕاپەڕین بە ئاڤا نیوزی ڕاگەیاند، لەگەڵ بەڕێوەبەرایەتیی پەروەردە هەماهەنگییان کردووە سبەی یەکشەممە لە باخچەی ساوایانەوە تاوەکو پۆلی نۆی بنەڕەتی پشوو بێت، ئەگەر کەشوهەوا خراپتر بوو ئەوا بڕیارەکەیان دەگۆڕن و  لە هەموو فەرمانگەکان پشوو ڕادەگەیێنێن.

لەلایەکی دیکەوە: زانکۆی ڕاپەڕین سبەی کردە پشوو و لە ڕاگەیێنراوێکدا ڕایگەیاند،  لەپێناو پاراستنى سەلامەتى گیانى خوێندکاران و مامۆستایان و فەرمانبەران، سبەی یەکشەممە لە زانكۆی راپەڕین پشووی فەڕمی خوێندن و دەوامی كارگێڕی دەبێت.