تورکیا کوژرانی بەرپرسێکی یەپەژەی لە ڕۆژئاوای کوردستان ڕاگەیاند

ئاڤا نیوز

هەواڵگریی تورکیا هەواڵی کوژرانی بەرپرسێکی شەڕڤانانی یەپەژەی لە ڕۆژئاوای کوردستان بڵاوکردەوە.

 

ڕاگەیێنراوی فەرمی: دەزگای هەواڵگریی تورکیادا بڵاویکردووەتەوە، لە ئۆپەراسیۆنێکی تایبەتی هێزەکانیان لە قامیشلۆی ڕۆژئاوای کوردستان "بەرپرسێکی چالاکی یەپەژەی سەر بە پەکەکە" کوژراوە.

 

زانیاریی زیاتر: ڕێناس ئامەد ناسراو بە موڕاد ئەتێش، ماوەیەکە لەژێر چاودێری دەزگای هەواڵگریی تورکیا "میت"دا بووە، تا ئەمڕۆ لەلایەن سوپای تورکیا کراوەتە ئامانج. تاوەکو ئیستاش میدیای نزیک لە "یەپەژە" هەواڵەکەی پشتڕاست نەکردووەتەوە.

 

باکگراوند: موراد ئەتێش لە ساڵی 2014 پەیوەندی بە "پارتی کرێکاران" کردووە، لە ساڵانی نێوان 2016-2024 لە ڕۆژئاوای کوردستان وەک بەرپرسی لۆجستی و دارایی "یەپەژە" کاری کردووە.

 

لەلایەکی دیکەوە: میدیای نزیک لە "یەپەژە" ئەم هەواڵەی پشتڕاست نەکردووەتەوە.