ڕێکارەکانی بایۆمەتری بۆ مامۆستایانی گرێبەست دەستپێدەکات

ئاڤا نیوز

 

بەیانی یەکشەممە ڕێکارەکانی خۆتۆمارکردن لە بایۆمەتری بۆ مامۆستایانی گرێبەست لەگەڵ ئەو مووچەخۆرانەی ناوی خۆیان لە سیستمی بایۆمەتری تۆمار نەکردووە، دەستپێدەکاتەوە.

 

لێدوانی فەرمی: عەلی ڕەئووف نوێنەرێکی مامۆستایانی گرێبەست بە ئاڤا نیوزی ڕاگەیاند: "بە شێوەیەکی کاتیی ڕێکارەکانی خۆتۆمارکردن لە سیستەمی بایۆمەتری بۆ مامۆستایانی گرێبەست ڕاگیرا بوو، بەڵام بەیانی ڕۆژی یەکشەممە بڕۆسەکە دەستپێدەکاتەوە".

 

لەلایەكی دیكەوە: لەبارەی دابەشکردنی شایستە داراییەکانی مامۆستایانی گرێبەست بۆ مانگەکانی حەوت و هەشت، ئەو نوێنەرەی مامۆستایانی گرێبەست گوتی، "لەسەر قسەی سەرچاوەیەک لە حکومەتی هەرێمی کوردستان بێت، شایستەی داراییەکانی ئەو دوو مانگە لە مانگی 11ـی ئەم ساڵ وەک مووچەی وانەبێژ دابەشدەکرێت، بۆ مانگەکانی داهاتووش مووچەی مامۆستایانی گرێبەست لەگەڵ مووچەی مووچەخۆرانی وەزارەتی پەروەردە خەرج دەکرێت. 

 

گۆشەیەکی دیکە: "مافەکانی مامۆستایانی گرێبەست هاوشێوەی مووچەخۆرانی هەمیشەیی مۆڵەتی دایکاتی و گواستنەوە و مافەکانی دیکەیان پێ دەدرێت"، عەلی رەئووف وادەڵێت.