!["برا گەورە لە پارێزگای هەڵەبجە"](/_next/image?url=https%3A%2F%2Fassets.ava.news%2Fnews%2F1579%2FZpCM2REZRKLUuR1Uufmd.jpg&w=3840&q=100)
سەرۆکوەزیران بارزانی.. تایبەت بە ئاڤا
ساڵی پار لە تاون هۆڵێکدا لەگەڵ کۆمەڵێک خەڵکی جیاوازی کوردستان، مەسرور بارزانی، سەرۆکوەزیرانی هەرێمی کوردستان دیدارێکی سازکرد. یەکێک لە پرسیارەکان لەلایەن پیاوماقوڵێکی شاری هەڵەبجە بوو کە لە سەرۆکوەزیرانی پرسی: مەعقولە تا ئێستا براگەورە سەردانی هەڵەبجەی نەکردووە؟ دواتر داوای لێکرد چەند پرۆژەیەک بخاتە سەرکار یەکێک لەوانە پرۆژەی پردی توەقوت کە پردێکی ستراتیژییە و داواکاری چەند ساڵەی خەڵکی هەڵەبجەیە.
سەرۆکوەزیران مەسرور بارزانیش لە وەڵامدا گوتی: یەکەم شوێن کە دەمەویست سەردانی بکەم هەڵەبجە بووە لەم کابینەدا، بەڵام نامەوێ تەنیا بۆ سەردان بێم، دەمەوێ بە کۆمەڵێک پرۆژە بێمە هەڵەبجە کە شایەنی ئەو شارە بێ.
ئەمڕۆ سەرۆکوەزیران سەردانی هەڵەبجەی شەهید دەکات و یەکێک لە کارەکانی دانانی بەردی بناغەی پردی توەقوتە. دواتر کارگەی ڕۆنی ڕاسان دەکاتەوە پاشان ژمارەی ئۆتۆمبێلی هەڵەبجە دابەش دەکرێ و لەگەڵ گوێگرتن لە داواکاری و کێشەکانی ئەو شارە لە نزیکەوە.
سەردانەکە درەنگە، بەڵام گرنگە کە خەڵکی هەڵەبجە دەبینن سەرۆکوەزیرانی هەرێمی کوردستان بەڵێنەکەی بۆ ئەو شارە جێبەجێ دەکات و نەیوستووە سەردانیان بکات و تەنیا قسەیان بۆ بکات، یان لە 16ی سێ چەپکە گوڵیان بۆ بەرێ بەبێ پرۆژەی خزمەتگوزاری.
مەسرور بارزانی بە جێبەجێکردنی بەڵێنەکەی، جارێکی دیکە متمانە دەگەڕێنێتەوە بۆ نێوان خەڵکی هەڵەبجە و حکومەت، چونکە خەڵکی ئەو پارێزگا بێنازە زۆر بەڵێنیان پێدراوە و جێبەجێنەکراوە.
پارێزگای هەڵەبجە بێنازترین پارێزگای هەرێمی کوردستانە، مافی خۆیەتی بە تایبەت تەماشابکرێ.
خەڵکی ئەو پارێزگایە مافی خۆیانە دوای ئەوەی کراوە بە پارێزگا داوای خزمەتگوزاری زیاتر بکەن و لایەنی کەم داوا بکەن سیمای شارەکەیان وەک پارێزگایەک بێ، نەک تەنها بە ڕووکەش ناوی پارێزگا بێ.
خەڵکی هەڵەبجە گلەییان زۆرە لە ئیدارە خۆجێیەکانی خۆیان و لەسەر هەقن. گەنجانی ئەو پارێزگایە چەندین کێشەیان هەیە کە دەبێ حکومەت بە دەمەیانەوە بچێ لەوانە بێکاری.
بێکاری و نەبوونی خزمەتگوزارییەکان لەهەڵەبجە بووەتە هەلێک بۆ گرووپە نایاساییەکان کە کار بکەن لەسەر هەندێک لە گەنجانی هەڵەبجە و بەلاڕێییاندا بەرن.
گرنگە کەرتی تایبەتیش هانبدرێ بۆ کار و پرۆژەی گەورە لەو پارێزگایە، وەک گرووپی بامۆک و کارەکانیان کە لە هەڵەبجە جێگای دەستخۆشییە.
هەڵەبجەی شەهید شاری قوربانییە و چاوەڕوانی ئاوەدانییە ئیتر کاتییەتی مەسرور بارزانی بە تەنیا بەجێینەهێڵێ و بەردەوام بێ لە جێبەجێکردنی بەڵێنەکانی.
لە ماوەی چوار ساڵی ڕابردوودا، مەسرور بارزانی هەناری هەڵەبجەی کردە براندێکی نێودەوڵەتی و ناسنامەیەکی دیکەی شارەکە، ئەمڕۆش بەم پرۆژە و هەنگاوانە پەیامی خۆی بۆ خەڵکی پارێزگای هەڵەبجە دووپاتدەکاتەوە کە بە تەنیا بەجێیان ناهێڵێ، وەک سەرۆکوەزیران لە زاخۆوە تا هەڵەبجە بەڵێنەکانی جێبەجێدەکات.
زیاتر لەسەر ئەم بابەتانە بکۆڵەرەوە
نوێترین بیروڕا
گرنگیی فیلمی کفن لە پیشەسازیی سینەمای کوردیدا
8 کاتژمێر لەمەوپێش
بەهۆی هاوبەشیی هەواڵگرییەوە ئەمریکا و بەریتانیا لەپێشەوەن
10 کاتژمێر لەمەوپێش
دۆكترینی سهربازیی ئیسرائیل و جهنگ له ڕۆژههڵاتی ناوهڕاست
6 ئەیلوول
دۆستەکانی مام جەلال لە سلێمانی جێگایان نابێتەوە
6 ئەیلوول
گوێتان لە سەرۆکوەزیران بوو، چۆن تێیگەیشتن؟
5 ئەیلوول
سەرئێشەی بڵاوبوونەوەی ئەتۆمی بۆ سەرۆکی داهاتووی ئەمریکا
1 ئەیلوول
نوور زوهێر و پاسکوا؛ دوو دزی سەدە و یەک پەیام
30 ئاب
بۆچی مەسرور بارزانی بەئامانج دەگرن؟
27 ئاب
کفن بۆ هۆشیارکردنەوەی کۆمەڵگە لە دیاردەیەکی قێزەون
24 ئاب
کفن وەک دیمەنی کۆتایی جەنگ وابوو
22 ئاب
- بزنس
- 4 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 5 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
- بزنس
- 6 کاتژمێر لەمەوپێش
بڕیاری هاوردەکردنی بەنزینی بازرگانی دەچێتە بواری جێبەجێکردن