سەرۆکوەزیران بارزانی سەردانی پارێزگای هەڵەبجە دەکات

ئاڤا نیوز

 

سەرۆکوەزیرانی هەرێمی کوردستان سەردانی پارێزگای هەڵەبجە دەکات و چەندین پرۆژە جێبەجێ دەکات و بەردی بناغەی پردی تووەقوت دادەنێت.

 

وێنە گەورەکە: سەرۆکوەزیران بارزانی، پێشووتر بەڵێنی بە خەڵکی هەڵەبجە دابوو، سەردانی ئەو پارێزگایە بکات، ئەمڕۆ بەڵێنەکەی خۆی بەجێدەگەیێنێت و پارێزگای هەڵەبجە بەسەردەکاتەوە.

 

ئەوەی پێویستە بیزانیت: سەرۆکوەزیران بارزانی ئەمڕۆ پێنجشەممە 22-02-2024 سەردانی هەڵەبجە دەکات و بەردی بناغەی پردی تووەقوت دادەنێت، تابلۆی ئۆتۆمبێلی ژمارە هەڵەبجە ڕادەگەیێنێت و کارگەی ڕاسان دەکاتەوە. 

 

زانیاریی زیاتر: سەرۆکوەزیران بارزانی لە میانی سەردانەکەیدا بۆ پارێزگای هەڵەبجە، لەگەڵ پارێزگار و بەرپرسانی یەکە ئیدارییەکانی هەڵەبجە کۆدەبێتەوە.

 

باکگراوند: کابینەی نۆیەمی حکومەتی هەرێمی کوردستان گرنگی تایبەتی بە پارێزگای هەڵەبجە داوە؛ لە ماوەی چوار ساڵی کابینەی نۆیەم 35 پرۆژەی وەبەرهێنان لە پارێزگای هەڵەبجە بە گوژمەی نزیکەی 125 ملیۆن دۆلار پەسەندکراون، هەروەها بە دەستپێشخەری سەرۆکوەزیران بارزانی هەناری هەڵەبجە بەبازاڕ کرا و هەناردەی وڵاتانی دەرەوە کرا.