شێخ دارا: بەفر لە چەند ناوچەیەكی شاخاویی هەرێمی كوردستان دەبارێت

ئاڤا نیوز

 

شێخ دارا، شارەزای کەشوهەوا لەنێو گەشتی هەواڵەكانی كاتژمێری (7:00)ـی ئاڤا باسی لە دابەزینی پلەكانی گەرما لە هەرێمی كوردستان کرد و ڕایگەیاند، بەفر لە ناوچە شاخاوییەكان دەبارێت.

 

لێدوانی فەرمی: شێخ دارا شارەزای بواری کەشوهەوا و پێشکەشکاری ئاڤا ڕایگەیاند: "لە چەند ڕۆژی ڕابردوو هاونیشتمانییانم وت، پاڵتۆ و ملپێچ ئامادە بكەن و سۆپاكانیان دەربێنن چونکە سەرمایەكی ناوازە لەڕێگەیە، زانیارییەكانم ڕاست دەرچوون".

 

لەلایەكی دیكەوە: شێخ دارا دەربارەی سەرچاوەی سەرماکە دەڵێت "لە جەمسەری باكوورەوە هەوایەكی وشكی سیبیری ڕووی لە ناوچەكە كردووە، ئەمە هۆكاری ئەو كەشە ساردەی ئێستای هەرێمی كوردستانە.

 

ئەمەش بزانە:  "هەوایەكی بەفراویش لە باكووری كوردستانەوە دێت ئەمەش بەهۆی ئەوەی لە چەند ناوچەیەكی باكوور بەفر باریوە و هەواكەی دوو هێندە سارد كردووە".

 

ئەوەش بزانە: لە ڕۆژانی داهاتوو شەپۆلی بەفربارین دەگاتە هەرێمی كوردستان، لە شاخەكانی گارە، حاجی ئۆمەران، چۆمان و شیرین بەفر دەبارێت، هاوكات شەپۆلێكی دیكەی بارانبارین لە دەریای سوورەوە هاتووە و لە ڕۆژانی داهاتوو چڕتر دەبێتەوە و لە چەند ناوچەیەكی هەرێمی كوردستان باران دەبارێت.