بڵند ئیسماعیل: کێشەی تەکنیکی نەبووایە پارتی نزیکەی یەک ملیۆن دەنگی دەهێنا

ئاڤا نیوز 

 

ئەندامێکی کۆمیتەی ناوەندیی پارتی باسی سەرکەوتنی حیزبەکەی و بەرزبوونەوەی ڕێژەی دەنگەکانی دەکات بەراورد بە هەڵبژاردنی ڕابردوو.

 

وێنە گەورەکە: ئەنجامی 99.63ی دەنگەکان ڕاگەیێنراوە و ئەندامێکی کۆمیتەی ناوەندی باسی زۆڵمەکەی فرە بازنەیی دەکات لەسەر پارتی.

 

لێدوانی فەرمی: بڵند ئیسماعیل، ئەندامی کۆمیتەی ناوەندی پارتی لە چاوپێکەوتنێکی لەگەڵ ئاڤا نیوز ڕایگەیاند: تەنیا لە سەنتەری شاری هەولێر 52 هەزار دەنگمان بۆ هەڵبژاردنی پەرلەمانی کوردستان زیادی کردووە، هاوکات ئەگەر کێشەی پەنجەمۆر کاریگەریی لە دەنگەکانمان نەبووایە، نزیکەی یەک ملیۆن دەنگمان بەدەست دەهێنا.

 

ئەمەش بزانە: ئەندامەکەی کۆمیتەی ناوەندی پارتی ئاماژە بەوە دەکات، کە یەک بازنەیی زوڵمێکی زۆری لە دەنگەکانی پارتی کردووە، چونکە چەند کورسییەکمان بۆ بەهێزترین کاندیدی ماوە "باقی ئەقوا" ڕۆیشتوون، ئەگەر ئەوە نەبووایە، ڕەنگە ژمارەی کورسییەکانمان گەیشتبایە سەرووی 45 کورسی.

 

ئەوەی پێویستە بیزانیت: بڵند ئیسماعیل دەڵێت: پارتی زیاتر لە چوار سەد هەزار دەنگ لە پێشەوەی یەکێتی و زۆربەی دەنگدەرانی پارتی خەڵکی گەنج بوون، هاوکات پارتی بە وشەیەک وەڵامی هەموو لایەنەکانی دەدایەوە، ئەویش ئەوە بوو کە "ناتوانن".