پارەی گەنمی جووتیاران دابەش دەکرێت

ئاڤا نیوز 

 

سایلۆی هەولێر دەست دەکات بە دابەشکردنی چەکی پارەی گەنمی جووتیاران.

 

وێنە گەورەکە: حکومەتی فیدراڵ گوژمەیەکی شایستەی جووتیارانی هەرێمی کوردستانی بە بڕی 147 ملیاری بۆ سەر هەژمارەی بانکی هەرێمی کوردستان ناردووە و بڕیارە  150 ملیاری دیکەش ڕەوانە بکات.

 

ڕاگەیێنراوی فەرمی: سایلۆی هەولێر لە ڕاگەینراوێکدا دەڵێت، ڕۆژی سێشەممە 22/10 دابەشکردنی چەکی پارەی گەنمی جووتیاران دەست پێدەکات، جووتیاران لە زنجیرەی دوو هەزار و 298 تا زنجیرەی دوو هەزار و 470 کە گەنمەیان ڕادەستی سایلۆی هەولێر کردووە چەکی پارەی گەنمەکانیان وەردەگرن.

 

زانیاریی زیاتر: بەهەمان شێوەی سایلۆی قوشتەپەش ئەمڕۆ چەکی پارەی جووتیارانی زنجیرەی 624 تاوەکو 740ی جووتیاران کە گەنمەکانیان ڕادەستی سایلۆی قوشتەپە کردووە دابەشدەکات.

 

ئەوەی پێویستە بیزانیت: جووتیاران لە کاتژمێر 9 بەیانی تاوەکو 1 دوای نیوەرۆ چەکی پارەکانییان لە بانکی بەحرکە وەردەگرن، مەرجە خۆیان ئامادە بن بۆ وەرگرتنی چەکەکانییان یاخود کەسێک کە بریکارنامەی پەسەندکراوی جووتیارەکەی پێبێت.

 

لەلایەکی دیکەوە: بڕیارە لە دهۆکیش چەکی پارەی گەنمی جووتیاران دابەش بکرێت.