بەهای کورسی لە هەر بازنەیەک چەندە؟

ئاڤا نیوز

دوای ڕاگەیاندنی ئەنجامی بەرایی کۆمیسیۆن، ئاڤا نیوز بەهای هەر کورسییەک بەپێی بازنەکان ئاشکرا دەکات.

وێنەگە گەورەکە: کۆمسیۆنی سەربەخۆی هەڵبژاردنەکانی عێراق ئەنجامی بەرایی 99.63%ی دەنگەکانی بۆ هەڵبژاردنی خولی شەشەمی پەرلەمانی کوردستان ئاشکرا کرد. ڕێژەی بەشداریکردن لە دەنگدانی تایبەت 97% و لە دەنگدانی گشتی 72% بوو، ئەمەش بەرزترین ڕێژەیە لەدوای هەڵبژاردنی ساڵی 1992 لە هەرێمی کوردستان.

ئەوەی پێویستە بیزانیت: بە کۆی گشتی دوو ملیۆن و 87 هەزار و 972 کەس بەشداریی دەنگدانیان کردووە، لەو ژمارەیە ملیۆنێک و 838 هەزار و 819 دەنگی دروست دراون.


بازنەی هەولێر 

هەولێر خاوەنی 34 کورسییە، 32 کورسی گشتی و دوو کورسی کۆتا.

762 هەزار و 929 کەس بەشداریی دەنگدانیان کردووە، 649 هەزار و 918 دەنگی دروست دراون، بەهای هەر کورسییەک  20 هەزار و 309 دەنگە.


بازنەی سلێمانی

سلێمانی خاوەنی 38 کورسییە، 36 کورسی گشتی و دوو کورسی کۆتا.

715 هەزار و 499 کەس بەشداریی دەنگدانیان کردووە، 611 هەزار و 209 دەنگی دروست دراون، بەهای هەر کورسییەک 16 هەزار و 978 دەنگە.

بازنەی دهۆک

دهۆک خاوەنی 25 کورسییە، 24 کورسی گشتی و یەک کورسی کۆتا.

564 هەزار و 494 کەس بەشداریی دەنگدانیان کردووە، 538 هەزار و 756 دەنگی دروست دراون و بەهای هەر کورسییەک  22 هەزار و 448 دەنگە.

بازنەی هەڵەبجە

هەڵەبجە خاوەنی سێ کورسی گشتییە.

41 هەزار و 671 کەس بەشداریی دەنگدانیان کردووە، 38 هەزار و 936 دەنگی دروست دراون، بەهای هەر کورسییەک 12 هەزار و 978 دەنگە.