چوار داعش لە عێراق و هەرێمی کوردستان دەستگیر دەکرێن

ئاڤا نیوز

 

لە سێ پارێزگای جیاواز هێزە ئەمنییەکانی عێراق و بە هەماهەنگی و هاوکاریی ئاسایشی هەرێمی کوردستان چوار ئەندامی داعشیان دەستگیر کرد.

 

وێنە گەورەکە: ساڵانێکە ڕێکخراوی داعش لە عێراق تێکشکێنراوە بەڵام شانە نوستووەکانی لە پارێزگاکانی عێراق چالاکن و ناوە ناوە هێزە ئەمنییەکان چەکدارەکانی دەکەنە ئامانج و دەستگیر دەکەن.

 

ڕاگەیێنراوی فەرمی: دەزگای دژەتیرۆری عێراق ڕایگەیاند: بە هاوکاریی دەزگای ئاسایشی هەرێمی کوردستان دوو تیرۆریست لە پارێزگای سلێمانی دەستگیرکران و تیرۆرستێک لە کەرکووک و یەکێکی دیکەش لە سەڵاحەددین.

 

ئەوەی پێویستە بیزانیت: هەفتەی ڕابردوو، تۆڕێکی "تیرۆریستی" لە 26 ئەندام پێکهاتبوون لە پارێزگاکانی بەغدا، سەڵاحەدین، نەینەوا و ئەنبار دەستگیر کران، تۆڕەکە لە ڕێگەی تۆڕەکانی کۆمەڵایەتی پەیوەندییان لەگەڵ یەک بەستووە و  پلانی ئەنجامدانی هێرشی چەکدارییان هەبووە.