هەڵبژاردن کۆتاییهات و سەرجەم سندووقەکانی دەنگدان داخران

ئاڤا نیوز

 

ئێوارەی ئەمڕۆ کاتژمێر شەش پڕۆسەی دەنگدانی گشتیی لە سەرتاسەری هەرێمی كوردستان کۆتاییهات و سەرجەم سندووقەکانی دەنگدان داخران. 

 

وێنە گەورەكە: ئەمڕۆ دووشەممە کاتژمێر حەوتی بەیانی پڕۆسەی دەنگدانی تایبەت لە هەرێمی كوردستان دەستیپێکرد، هاوکات بە بڕیاری کۆمیسیۆن كاتژمێر 06:00 ئێوارە پڕۆسەکە کۆتاییهات و ئامێرەکان کوژانەوە و سندوقەکانی دەنگدان داخران. 

 

زانیاریی زیاتر: لە سەرجەم هەرێمی كوردستان هەزار و 191 کاندید كێبڕكێ لەسەر بەدەستهێنانی 100 كورسی دەكەن و لەم ژمارەیەش 832ـیان نێر و 368 مێن.

 

ژمارەکان وادەڵێن: ژمارەی دەنگدەران و کورسییەکان بەگوێرەی پارێزگاکان بەمجۆرەیە:

 

- بازنەی سلێمانی: یەک ملیۆن و هەشت هەزار و 412 کەس مافی دەنگدانیان هەیە، 38 کورسی هەیە، دوو کۆتا و 36 کورسی گشتی.

- بازنەی هەولێر: 993 هەزار و 115 کەس مافی دەنگدانیان هەیە، 34 کورسی هەیە، دوو کورسی کۆتا و 32 کورسی گشتی.

- بازنەی دهۆک: 682 هەزار و 791 کەس مافی دەنگدانیان هەیە، 25 کورسی هەیە، کورسییەکی کۆتا و 24 کورسی گشتی.

- بازنەی هەڵەبجە: 59 هەزار و300 کەس مافی دەنگدانیان هەیە و سێ کورسی گشتی هەیە.

 

باکگراوند: دوو ڕۆژ لەمەوبەر دەنگدانی تایبەت بەڕێوەچوو، 215 هه‌زار و 960 ده‌نگده‌ر مافی ده‌نگدانیان هه‌بوو و ڕێژەی بەشداریکردن 97% بوو. بەپێی ئەنجامە بەراییەکان پارتی پلەی یەکەمی بەدەستهێناوە، یەکێتی دووەم و نەوەی نوێ سێیەم.