ئاسایشی هەولێر هۆشداری دەدات: تەقەی خۆشی قەدەغەیە

ئاڤا نیوز

 

بەڕێوەبەرایەتیی گشتیی ئاسایشی هەولێر ئاگادارییەک بڵاودەکاتەوە و داوا لە هاووڵاتیان دەکات بەهیچ شێوەیەک تەقەی خۆشی نەکەن، هۆشداریش دەدات هەر کەسێک سەرپێچی بکات دەستگیر دەکرێت.

 

وێنە گەورەکە: ئەمڕۆ یەکشەممە 20-10-2024، کاتژمێڕ 07:00ی بەیانی پرۆسەی دەنگدانی گشتی بۆ خولی شەشەمی پەرلەمانی کوردستان دەستی پێکرد و تا کاتژمێر 06:00ی ئێوارە بەردەوام دەبێت.

 

ڕاگەیێنراوی فەرمی: ئاسایشی هەولێر ڕایگەیاند: دوای کۆتاییهاتنی پرۆسەی دەنگدان لە شاری هەولێر و دەوروبەری بەشێوەیەکی هێمن و دوور لە هیچ گیرو گرفتێک، بەمەبەستی خۆشی دەربڕین، بەهەموو شێوەیەک تەقەکردن قەدەغەیە و ڕێگە پێدراو نییە.

 

لەلایەکی دیکەوە: ئاسایشی هەولێر هۆشداری دەدات هەر کەسێک پابەند نەبێت و  سەرپێچی بکات، ڕێکاری یاسایی بەرامبەر دەگیرێتەبەر و دەستگیر دەکرێت، داواش دەکات هەموو لایەک پابەندی پاراستنی هێمنی و سەلامەتی بن.