سکووپی ئاڤا: ڕێکخەری گۆڕان کارتی دەنگدانی نییە و ناتوانێت دەنگ بدات

ئاڤا نیوز

 

بەگوێرەی زانیارییەکانی ئاڤا نیوز دانا ئەحمەد مەجید، ڕێکخەری گشتیی بزووتنەوەی گۆڕان  بەهۆی ئەوەی لە دەرەوەی وڵات بووە و كارتی دەنگدانی بۆ نەكراوە، ناتوانێت دەنگ بدات.

 

وێنە گەورەکە: ئەمڕۆ یەکشەممە کاتژمێر 7:00 هەڵبژاردنی پەرلەمانی کوردستان بە بەشداریی دوو ملیۆن و 683 هەزار و 618 دەنگدەر دەستیپێکرد. هەر لە سەرەتای پڕۆسەکە سەرۆک و بەرپرسی حیزبەکان لە دەنگیان دا.

 

چیرۆکی سەرەکی: ئەمڕۆ دانا ئەحمەد مەجید، ڕێكخەری گشتیی نوێی بزووتنەوەی گۆران ڕۆشتووە لە یەکێک لە بنکەکانی دەنگدان لە شاری سلێمانی دەنگ بدات،  بەڵام ڕێگری لێكراوە و نەیانهێشتووە دەنگبدات لەبەر ئەوەی كارتی دەنگدانی نییە و ناتوانێت دەنگبدات.

 

زانیاریی تایبەت: سەرچاوەیەكی باڵا لە بزووتنەوەی گۆڕان بە ئاڤا نیوزی ڕاگەیاند، ڕێكخەری  لەكاتی نوێكردنەوەی كارتی دەنگداندا لە دەرەوەی وڵات بووە و ئێستا ناتوانێت دەنگ بدات.

 

بۆچی گرنگە: دانا ئەحمەد مەجید، ڕێکخەری بزووتنەوەی گۆڕان دەبێتە یەکەم سەرۆک حیزب نەتوانێت دەنگ بدات، ئەمە لەکاتێکدا زۆرینەی سەرکردەی لایەنە سیاسییەکان لەگەڵ کردنەوەی بنکەکانی دەنگدان دەنگی خۆیان دا.

 

ئەمەش بزانە: ناوبراو لە هەوڵدایە بۆ ئەوەی دەنگبدات بەڵام كۆمیسیۆن بەهەموو شێوەیەك ئەوەی ڕەتکردووەتەوە کە بەبێ کارتی دەنگدان ڕێکخەرە نوێیەکەی گۆڕان بەشداری دەنگدان بکات.