مەسرور بارزانی: یەکەی نیشتەجێبوون بۆ هەموو کەسوکاری شەهیدان دابین دەکەین

ئاڤا نیوز

 

سەرۆکوەزیران مەسرور بارزانی لە ڕێوڕەسمی دابەشکردنی یەکەی نیشتەجێبوون بەسەر کەسوکاری شەهیدانی شەڕی داعش ڕایگەیاند: بەڵێن دەدەین کە هیچ خانەوادەیەکی شەهید نەمێنێت، کە یەکەی نیشتەجێبوونی وەرنەگرتبێت.

 

وێنە گەورەکە: ئەمڕۆ یەکشەممە، دەزگای خێرخوازی بارزانی بە هەماهەنگی لەگەڵ دەستەی وەبەرهێنان، زیاتر لە 540 یەکەی نیشتەجێبوون بەسەر کەسوکاری شەهیدانی شەڕی داعش دابەش کرد، بڕیارە لە ئایندەییەکی نزیک سنووری پارێزگای دهۆکیش دەگرێتەوە.

 

لێدوانی فەرمی: سەرۆکوەزیران مەسرور بارزانی، لەمیانەی ڕێوڕسمەکەدا ڕایگەیاند: "سەرۆک بارزانی هەمیشە خۆی بە قەرزاری خانەوادەی شەهیدان دەزانێت بۆیە ئەمە ئەرکێکی بچووکە بەرامبەر قوربانی خانەوادەی شەهیدان و بەبێ ڕەچاوکردنی ئینتیمای سیاسیی ئەو یەکانە دابەش دەکرێن، بەڵێن دەدەین کە هیچ خانەوادەیەکی شەهید نەمێنێت، کە یەکەی نیشتەجێبوونی وەرنەگرتبێت.