عێراق 45 ملیار دیناری دیكەی جووتیارانی هەرێمی كوردستان دەنێرێت

ئاڤا نیوز

 

عێراق گوژمەیەکی دیکەی پارەی گەنمی جووتیارانی هەرێمی كوردستان دەنێرێت و وادەی دابەشكردنەكەشی ئاشكرا دەكرێت.

 

لێدوان فەرمی: نەوزاد شێخ كامل، بەڕێوەبەری گشتیی بازرگانیی هەرێمی كوردستان بە ئاڤا نیوزی ڕاگەیاند: سبەی چەكی 45 ملیار دیناری دیكەی پارەی گەنمی جووتیاران دەگاتە دەستمان و یان كۆتایی ئەم هەفتەیە یاخود سەرەتای هەفتەی داهاتوو دەست بە دابەشکردنی دەكرێت.

 

زانیاریی زیاتر: لەو 45 ملیار دینارە، 20 ملیار دینار بۆ جووتیارانی پارێزگای سلێمانی، 15 ملیار بۆ جووتیارانی پارێزگای هەولێر و 10 ملیار دیناریش بۆ جووتیارانی پارێزگای دهۆك دەبێت.

 

ئەوەش بزانە: ئێستا 333 ملیار دیناری پارەی گەنمی جووتیارانی هەرێمی كوردستان لای عێراق ماوە، بە ناردنی ئەو 45 ملیار دینارە، 288 ملیار دینار دەمێنێت.