یەکێتی ئەوروپا کردنەوەی "ڕێڕەوێکی ئاسمانی" بۆ لوبنان ڕادەگەیێنێت

ئاڤا نیوز

یەکێتیی ئەوروپا ڕایدەگەیێنێت"پردێکی ئاسمانی مرۆیی"ـیان کردووەتەوە بۆ گەیاندنی هاوکارییەکان بۆ هاووڵاتییانی لوبنان.

لێدوانی فەرمی: کۆمیسیۆنی ئەوروپا ڕایگەیاند، "بڕیارە سێ گەشتی سەرەتایی بۆ گەیاندنی کەلوپەل لە ئیتاڵیا و دوبەیەوە بۆ لوبنان دەستپێبکات و یەکەم گەشتیش ڕۆژی هەینی گەیشتە بەیرووت".

لەلایەکی دیکەوە: ئۆرسولا ڤۆن دێر لاین، سەرۆکی کۆمیسیۆنەکە لە ئێکس نووسیویەتی: یەکێتیی ئەوروپا لە پاڵ ئەو کەسانەدا وەستاوە کە بەهۆی قەیرانی لوبنانەوە زیانیان بەرکەوتووە.

ژمارەکان وادەڵێن: خەرجییەکانی هاوکارییە مرۆییەکان بۆ لوبنان بە بڕی 33 ملیۆن دۆلار زیاد دەکرێت.

باکگراوند: ئیسرائیل لە 23ـی ئەیلوولەوە هێرشی زەمینی بۆسەر لوبنان دەستپێکردووە و تائێستاش، نزیکەی هەزار و 150 کەس بەهۆی لەشکرکێشی ئیسرائیل بۆ لوبنان کوژراون.