خەڵکی 53 وڵات بێ ڤیزە دەتوانن سەردانی کوردستان بکەن

ئاڤا نیوز

 

هاووڵاتیانی 53 وڵات بەبێ وەرگرتنی ڤیزەی پێشوەختە دەتوانن سەردانی هەرێمی کوردستان بکەن و تەنیا پێویستیان بە ڤیزەی ئەلیکترۆنییە.

 

ڕاگەیێنراوی فەرمی: وەزارەتی ناوخۆی حکومەتی هەرێمی کوردستان بڵاویکردووەتەوە، هاووڵاتیانی 53 وڵاتی جیهان دەتوانن بەبێ ڤیزەی پێشوەختە بێنە هەرێمی کوردستان؛ تەنیا لەسەر سنوور یان فڕۆکەخانە پاسپۆرت پێشکەش دەکەن و ڤیزای ئەلیکترۆنی وەردەگرن.

وڵاتەکان ئەمانەن: ویلایەتە یەکگرتووەکانی ئەمەریکا، بەریتانیا، چین، ڕووسیا، ئوسترالیا، نیوزلەندا، ژاپۆن، کۆریای باشوور، کەنەدا، ئیمارات، کوێت، قەتەر، تورکیا، ئێران، لاتیڤیا، لیتوانیا، لۆکسەمبۆرگ، ماڵتا، هۆڵەندا، نەرویج، پۆڵەندا، پورتوگال، ڕۆمانیا، سلۆڤاکیا، سلۆڤینیا، ئیسپانیا، سوید، سویسرا، نەمسا، بەلجیکا، بەرازیل، بولگاریا، کرواتیا، قوبرس، یۆنان، چیک، دانیمارک، ئیستۆنیا، فنلەندا، فەرەنسا، ئەڵمانیا، هەنگاریا، ئەلبانیا، ئێرلەندا، ئایسلەندا، ئیتاڵیا، لوبنان، فاتیکان، لیخنشتاین، سعودیە، عومان، بەحرێن، ئوردن.