ترەمپ: هەموو جیهان بە ئەمریکا پێدەکەنێت

ئاڤا نیوز

 

دۆناڵد ترەمپ، کاندیدی کۆمارییەکان بۆ پۆستی سەرۆکایەتیی ئەمریکا، دوای سێ مانگ جارێکی دیکە سەردانی شاری باتلەری لە ویلایەتی پێنسیلڤانیا کرد، ئەو شوێنەی کە بۆ یەکەم جار هەوڵی تیرۆرکردنی درا. 

 

بۆچی گرنگە: لە 13ـی مانگی هەشتی ئەمساڵ، دۆناڵد ترەمپ لە ویلایەتی پێنسیلڤانیا بوو، لە چوارچێوەی هەڵمەتی بانگەشەی هەڵبژاردن بۆ پۆستی سەرۆکایەتیی ئەمریکا ،ڕووبەرووی هەوڵێکی تیرۆرکردن بووە و تەقەی لێکرا، لە ئەنجامدا گوێیەکی بریندار بوو. ئێستاش چووەتەوە هەمان شوێن کە تیایدا هەوڵی تیرۆرکردنی درا و بەشداری لە هەڵمەتی بانگەشەی هەڵبژاردندا کرد.

 

لێدوانی فەرمی: دۆناڵد ترەمپ  ڕایگەیاند:  "سەردەمانێک هەموو جیهان ڕێزیان لە ئەمریکا دەگرت، بەڵام ئێستا هەموویان پێمان پێدەکەنن".

 

لەلایەکی دیکەوە: لەبارەی کێشەی سنوورەکانی ئەمریکا لەگەڵ وڵاتانی دراوسێ، ترەمپ گوتی: ئێمە سنووری کراوەمان ناوێت، خەڵک شایستەی حکومەتێکن کە ڕێز لە هاووڵاتیانی خۆی بگرێت و بیانپارێزێت و بەرگری لە سەروەری وڵات و ئاسایش و ئازادییان بکات.

 

زانیاریی زیاتر: ترەمپ حکومەتی جۆ بایدن سەرۆک و کامالا هاریسی جێگری بە حکومەتێکی لاواز پێناسە کرد.