له‌ عێراق ڕۆژانه‌ 250 هاوژین جیادەبنەوە

ئاڤا نیوز

ئەنجوومەنی باڵای دادوەریی عێراق ئاماری جیابوونەوەی هاوسەرانی بۆ مانگی یەکی ئەمساڵ بڵاوکردەوە؛ زۆرترین ڕێژە لە بەغدا و کەمترینیشی لە موسەننا بووە.

ڕاگه‌یێنراوی فه‌رمی: لە مانگی كانوونی دووەمی ئەمساڵدا، حەوت هەزار و 453 کەیسی جیابوونەوەی هاوسەران لە پارێزگاکانی عێراق تۆماركراون، کە ڕۆژانە دەكاتە نزیکەی 250 کەیسی جیابوونەوە. 

هەر لە مانگی یەکی ئەمساڵدا 30 هەزار و 895 کەس پرۆسەی هاوژینییان پێکهێناوە، ئەمەش دەکاتە چوار هێندەی پرۆسەی جیابوونەوە.