ئیسرائیل ئامادەکاری بۆ وەڵامدانەوەی هێرشی ئێران  دەکات

ئاڤا نیوز

سوپای ئیسرائیل ئامادەکاری دەکات بۆ "تۆڵەسەندنەوەیەکی بێوێنە" بەرامبەر هێرشە مووشەکییەکانی ئێران. 

 

وێنە گەورەکە: سوپای ئیسرائیل پلان دادەنێت بۆ وڵامدانەوەی هێرشە مووشەکییەکەی ئێران و هەوڵ دەدات شەڕەکە فراوانتر بکات، وڵاتانیش هۆشداری دەدەن لەوەی شەڕەکە لە نێوان ئیسرائیل و ئێران ببێتە شەڕێکی ڕاستەوخۆ و بۆ جەنگێکی هەرێمی سەربکێشێت، چونکە ئەگەر ئیسرائیل وەڵامی ئێران بداتەوە، ئێران هەڕەشەی هێرشی تووندتر دەکات.

 

ڕاگەیێنراوی فەرمی: بەرپرسێکی ئیسرائیل ڕایگەیاند، ئیسرائیل خۆی بۆ وەڵامدانەوەی هێرشەکانی ئێران ئامادە دەکات، پلان بۆ ئەم مەبەستە دادەڕێژێت.

 

باکگراوند: ڕۆژی دووشەممە 1-10-2024، ئێران بە نزیکەی 200 مووشەک هێرشی کردە سەر ئیسرائیل، وەک تۆڵەسەندنەوەیەک بۆ کوژرانی حەسەن نەسروڵڵا، ئەمینداری گشی حیزبوڵڵای لوبنان و ئیسماعیل هەنیە، سەرۆکی مەکتەبی سیاسیی حەماس لە تاران.