نزیکەی 60٪ـی غەززە وێران بووە

ئاڤا نیوز

 

دوای نزیکەی ساڵێک لە هێرشی ئیسرائیل بۆ سەر کەرتی غەززە، نزیکەی 60٪ـی کەرتەکە وێران بووە.

 

وێنە گەورەکە: ئیسرائیل لە هێرشە ئاسمانی و زەمینییەکانیدا خانوو، باڵەخانە، مزگەوت، نەخۆشخانە، قوتابخانە و تەواوی ژێرخانی کەرتەکەی بە ئامانج گرتووە. بە گوێرەی مەزەندەکان، ئیسرائیل 227 هەزار و 591 باڵەخانەی بە ئامانج گرتووەن کە بە تەواوی وێرانی کردوون یان زیانی زۆری پێ گەیاندوون و 68٪ـی ڕێگاوبانی کەرتەکەی وێران کردووە.

 

لەلایەکی دیکەوە: لە کۆی 36 نەخۆشخانە، تەنیا 17 نەخۆشخانە، ئەویش بەشێوەیەکی ناتەواو کار دەکەن و کێشەی نەبوونی سووتەمەنی، دەرمان و ئاوی خواردنەوەیان هەیە. 

 

زانیاریی زیاتر: بە هۆی هێرشی ئیسرائیلەوە، 41 هەزار و 825 کەس کوژراون کە لەم ژمارەیە زیاتر لە 11 هەزار و 300 کەسیان منداڵن و نزیکەی 6 هەزار و 300 کەسیشاین ژنن. هەروەها، نزیکەی 90٪ـی دانیشتوانی کەرتی غەززە لانیکەم جارێک ئاوارە بوون.

 

ئەمەش بزانە: دوای ساڵێک، ئیسرائیل لە هێرشەکانی بۆ سەر کەرتی غەززە بەردەوامە و هاوکات هێرشی بۆ سەر باشووری لوبنان دەستپێکردووە.