جۆزێڤ بۆرێڵ: مەترسی لەسەر دامەزراوە ئەتۆمییەكانی جیهان هەیە

ئاڤا نیوز

 

 

بەرپرسی سیاسەتی دەرەوەی یەكێتی ئەوروپا دەڵێت بەهۆی ئاڵۆزییەكانی ڕۆژهەڵاتی ناوەڕاست و ڕووسیا و ئۆكرایناوە، مەترسی لەسەر دامەزراوە ئەتۆمییەكان لە جیهاندا هەیە.

 

وێنە گەورەكە: ئاڵۆزی و پێكدادانەكان لە ڕۆژهەڵاتی ناوەڕاست بەردەوامن، تا دێت كاردانەوەی زیاتری لێدەكەوێتەوە، گەورە بەرپرسانی ئەوروپا هۆشداری لە دۆخەكە دەدەن و دەڵێن نیگەرانین و مەترسی لەسەر  ناوەندە ئەتۆمییەكان هەیە.

 

لێدوانی فەرمی: جۆزێڤ بۆرێڵ، بەرپرسی سیاسەتی دەرەوەی یەكێتی ئەوروپا دەڵێت: "داواكاری یەكێتی ئەوروپا بۆ جیهان ئەوەیە كە مەترسی لەسەر دامەزراوە ئەتۆمییەكان هەیە، نابێت ڕووداوێكی وەها ڕووبدات كە مەترسی گەورە دروست بێت و ئەوەی لە نێوان ئۆكراینا و ڕووسیا ڕوودەدات مەترسی گەورەی دروستكردووە، دەشمەوێت بڵێم جێگەی سەرسوڕمانە هیچ شتێك ناكرێت بۆ كەمكردنەوەی ئازارەكانی گەلی فەڵەستین و كار ناكرێت بۆ ئاگربەستێكی هەمیشە و ڕێگری لە ئاڵۆزییەكانی لوبنان ناكرێت.

 

ئەمەش بزانە: یەكێتی ئەوروپا چەندین جار هۆشداریی لە بەكارهێنانی چەكی ئەتۆمی و تەقینەوەی دامەزراوە ئەتۆمییەكان داوە كە هەڕەشەیەكی گەورەن لەسەر هەموو جیهان.