پۆندێكی دیكە لە هەرێمی كوردستان دروستكرا

ئاڤا نیوز 

 

پۆندی سەید حوسێن لە سنووری قەزای كفری دروست كرا و ناوچەیەكی سنوورەكە لە بێئاوی ڕزگاری دەبێت.

 

وێنە گەورەكە: گرنگیدان بە ئاسایشی ئاو یەكێكە لە پلان و بەرنامەكانی كابینەی نۆیەمی حكومەتی هەرێمی كوردستان و لە ماوەی پێنج ساڵی ڕابردوودا 9 بەنداو و 9 پۆند دروست كراون و 43 پۆندی دیكە و ژمارەیەک بەنداویش لە جێبەجێكردندان.

 

لێدوانی فەرمی: كاروان سەباح هەورامی، بەڕێوەبەری گشتیی سەرچاوەكانی ئاو ڕایگەیاند: لە چوارچێوەی سیاسەتی کابینەی نۆیەمی حکومەتی هەرێمی كوردستان بۆ ڕووبەڕووبوونەوەی گۆڕانی ئاو و هەوا و پاراستنی ئاسایشی ئاو لە ناوچە جیاوازەکانی کوردستان، پۆندی سەید حوسێن لە قەزای کفری تەواو کرا، بەمەش ناوچەیەکی دیکە لە وشکی و بێئاوی ڕزگاری بوو.

 

زانیاریی زیاتر: تێچووی دروستكردنی پۆندەکە 751 ملیۆن دینارە، نزیکەی 230 هەزار  مەتری سێجا ئاو دەگرێت.