پلانێکی حکومەتەکەی سوودانی بۆ پلە باڵاکان شکست دەهێنێت

ئاڤا نیوز

 

تەنیا یەک ساڵ لە تەمەنی حکومەتەکەی سوودانی ماوە، تا ئێستا لیژنەی هەڵسەنگاندن بۆ پلە باڵاکانی حکومەت هیچ دەرئەنجامێکی نەبووە.

 

چیڕۆكه‌ سه‌ره‌كی: یەکێک لە گرنگترین بڕگەکانی بەرنامەی وەزاری حکومەتی ئێستای عێراق پێش دامەزراندنی، پلانی هەڵسەنگاندنی پلە باڵاکان بوو دوای شەش مانگ لەدەستبەکاربوونی، بەڵام زیاتر لە سێ ساڵ لە تەمەنی تێپەڕی و ئەم  پلانە تائێستا جێبەجێنەکراوە.

 

لێدوانی فەرمی: محەممەد کەریم بەلداوی، جێگری سەرۆکی لیژنەی پلاندانانی ستراتیژی پەرلەمانی عێراق ڕایگەیاند: ڕەنگە هۆکاری سڕکردنی کاری لیژنەی هەڵسەنگاندنی  پلە باڵاکان لە دەرەوەی دەسەڵاتی حکومەتدا بێت.

 

زانیاریی زیاتر: بەلداوی ئاماژەی بەوەشدا، ئەستەمە هیچ وەزیرێک، بریکارێکی وەزیر و  بەڕێوەبەرێکی گشتیی نوێ بتوانی لەم ماوە کورتەی تەمەنی حکومەت کاروباری کارگێڕی بەڕێوەبەرایەتییەکەی یان وەزارەتەکەی ڕێکبخات و بە شێوەیەکی کاریگەر بەڕێوەی ببات.