ئەمریکا پشتگیری بۆ ئیسرائیل دووپات دەکاتەوە و دڵنیایی پێدەدات

ئاڤا نیوز

 

ئەمریکا پشتگیری بۆ ئیسرائیل دووپات دەکاتەوە و دڵنیایی پێدەدات کە ڕێگە نادات ئێران دۆخی ڕۆژهەڵاتی ناوەڕاست ئاڵۆزتر بکات. 

 

وێنە گەورەکە: دوای هێرشەکەی ئیسرائیل بۆ سەر باشووری بەیرووت و کوژرانی حەسەن نەسروڵڵا، ئەمینداری گشتیی حیزبوڵڵای لوبنان، مەترسی هەیە دۆخی ڕۆژهەڵاتی ناوەڕاست زیاتر ئاڵۆز ببێت. 

 

ڕاگەیێنراوی فەرمی: پات ڕایدەر، گوتەبێژی وەزارەتی بەرگریی ئەمریکا (پێنتاگۆن) ئەمڕۆ شەممە 2024-09-28، لە بەیاننامەیەکدا ڕایگەیاند، "ئەمریکا پارێزگاری لە بنکە و هێزەکانی خۆی لە ناوچەکە دەکات و پشتگیریی ئیسرائیل بۆ بەرگریکردن لە خۆی دەکات". 

 

لەلایەکی دیکەوە: لۆید ئۆستین، وەزیری بەرگری ئەمریکا لە پەیوەندییەکانیدا بە یۆئاڤ گالانت، هاوتا ئیسرائیلییەکەی ڕاگەیاندووە، ئەمریکا ڕێگە نادات ئێران و هاوپەیمانانی دۆخی ناوچەکە ئاڵۆزتر بکەن.