عێراق سێ ڕۆژ ماتەمینی گشتی بەهۆی کوژرانی حەسەن نەسروڵڵا ڕاگەیاند

ئاڤا نیوز

 

محەممەد شیاع سوودانی، سەرۆکوەزیرانی عێراق بەهۆی کوژرانی ئەمینداری گشتی حیزبوڵڵا، سێ ڕۆژ ماتەمینی لە سەرتاسەری عێراق ڕاگەیاند.

 

وێنە گەورەکە: ڕۆژی شەممە 28-9-2024 سوپای ئیسرائیل کوژرانی حەسەن نەسروڵڵا، ئەمینداری گشتیی حیزبوڵڵای لوبنانی لە هێرشێکی ئیسرائیل بۆسەر باڵەخانەیەک لە بەیرووت ڕاگەیاند و دوای چەند کاتژمێرێک حیزبوڵڵا کوژرانی سەرکردەکەیانی پشتڕاست کردەوە.

 

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند: لەسەر ڕاسپاردەی محەممەد شیاع سوودانی، سەرۆکوەزیرانی عێراق بەبۆنەی "شەهیدکردنی" حەسەن نەسڕوڵڵا، ئەمینداری گشتی حیزبوڵڵا و هاوەڵەکانی لە هێرشێکی دوژمناکارانەی "زایۆنی" بۆ ماوەی سێ ڕۆژ لە سەرتاسەری عێراق ماتەمینی ڕادەگەیێنین.